low expectations.ah...really very low

كنت جالسا في عصر يوم ربيعي مستمتعا بالطقس اللطيف,و اذا بصديق
مقبل.لاحظت على وجهه الغضب,ثم انه جلس بعصبية و بقي صامتا.قررت
ان لا اسأله عن ما به كي لا أفسد استمتاعي باليوم ولكن الجو المشحون
بالتوتر جعلني استسلم اخيرا فسألته:ما بك؟...انفجر مباشرة قائلا:شعب حقير
...فعلا اصبحنا شعب حقير.قلت :و لكن هذا رأيك منذ زمن فما الجديد؟قال :لا لا
..فعلا كل يوم يصبح سقف احلامنا ادنى,كل يوم تصبح توقعاتنا اقل و ارضاؤنا
ايسر.قلت له:و كيف ذلك؟قال:اسمع القصة التالية...انت تعرف الاستاذ حامد
عبد الحكيم مدرس الكيمياء معي بالمدرسة,كان غائبا بالامس ,وعندما سألته عن
سبب غيابه اخبرني انه كان يزور بعض الاصدقاء في سجن وادي النطرون,
و طبعا تعجبت و قلت له :بعض الاصدقاء !!كم هم؟قال:عشرين.قلت:و لماذا تعرف
عشرين سجينا,اعني انه عدد كبير.قال:انهم اناس محترمون جدا,شباب متعلم .
قلت:اذا لماذا هم في السجن؟قال:لذلك قصة...اسمع:منذ حوالي العام فوجئنا في قريتنا
....... انت تعرفها أليس كذلك؟المهم فوجئنا بالقاء القبض على هؤلاء الشباب على
مراحل,ولم نفهم لماذا,لأنهم كما ذكرت شباب متعلم محترم وليس لهم اي نشاط
سياسي.المهم ذهبت مجموعة من اهل القرية للاستفسار عن سبب الاعتقال وعن التهمة
الموجهة اليهم,فكان الرد انه لا توجد تهمة,ولكن هؤلاء الشباب اعتقلوا لأنهم تخرجوا من
قسم الكيمياء في كلية العلوم وهم عاطلون عن العمل!!!فسألوا:و هل اصبحت البطالة
جريمة يعاقب عليها القانون؟!!قيل لهم:لا...ولكن هؤلاء درسوا الكيمياء,مما يجعلهم على
دراية بالمتفجرات و طريقة صنعها,لن نسبب لهم اي اذى,نحن فقط نريدهم تحت انظارنا
دائما لنتأكد انهم لن يتورطوا في اي اعمال ارهابية.و يمكنكم ان تزوروهم دائما لتتأكدوا
من حسن معاملتنا لهم.توقف صديقي عن السرد برهة ثم اكمل:تخيل يا محمد ماذا قال
الاستاذ حامد بعد ذلك؟قال:وفعلا الامن اوفى بوعده,كنا في السجن بالامس وهم يعاملونهم
افضل معاملة,لا سب ولا ضرب ولا تعذيب,السجن نظيف والزيارات مسموحة.سجن
خمس نجوم.تخيل يا محمد هذا اقصى ما يتمناه,وعندما ابديت صدمتي لما قاله استغرب
جدا و قال:ما المشكلة؟اهاليهم سعداء بالزيارات وبسلامة اولادهم و الشباب انفسهم يبدو
عليهم الارتياح و الرضا!!!وعندما سألته و انت ما رأيك يا استاذ حامد؟قال:الوضع في
السجن جيد جدا,طالما ليس هناك اهانة فما المشكلة؟!!!كما قلت لك سجن خمس نجوم..
في هذه اللحظة بالذات ادركت ان صديقي لن يكف عن النواح لبقية اليوم عن الحريات
الضائعة و حال البلد الذي لا يسرفقررت ان اوفر على نفسي خطبته المطولة القادمة وقمت
قبل ان يفسد ما بقي من يومي مقاطعا نواحه قائلا:يا اخي اذا كان اصحابهم مبسوطين واهاليهم
راضيين وهما المسجونين بذات نفسهم مرتاحين كده بقالهم سنة,,انت ايه اللي مزعلك؟!!!
انت اللي غلط في الصورة دي..اقولك....شوفلك حتة تانية تعيش فيها.
ومضيت و تركته ولكنني لا اعرف لماذا ظللت اسمع داخل رأسي صوتا يكرر:ان الله لا يغير
ما بقوم حتى يغيروا ما بأنفسهم.

.......الله يخرب بيت الاضراب

شاركتوا فى الاضراب وانبسطوا.....

....... 30%طيب يا سيدي... الريس في عيد العمال قال : االعلاوه هتكون في حدود

طيب الحكومه هتدبر منين الفلوس دى

شاطــــــــــر يا وله .....من الضرائـــــــــــــــــــــب

ازاي بقي ؟؟؟؟؟؟؟؟

أولا : مفيش حاجه اسمها مناطق حره .....كله هيتاخد منه ضرايب

ثانيا : اسعار الطاقه للمصانع هتزيد خصوصا الحديد والاسمنت .........وافهم انت

ثالثا : هيزودوا الضرايب ع المدارس الخاصه.........مالناش دعوه بيها دي

رابعا: البنـــــــــــزين غلي" علي نظام ميلودي تتحدي الملل" و" نحن نحطم الاسعار تحطيما"..لتر ال90 بقى ب175 قرش وال92وال95غليوا كمان والسولار بالمره زياده الخير خيرين

كان زمان لما كنا ندعي علي واحدنقوله الله يحرقك بجاز...ادينا هنتعلم مندعيش علي حد بعد كده لحسن الحاجه تغلي

الحمد لله انا بامون 80 اللتر ب90قرش....بس كمان شويه مش هنلاقيه

بالمناسبه يا جماعه....حد خد باله من حاجه !!!!!!!!!!............محدش من الحكومه اتكلم عن مصادر التمويل ولا الضرايب الا بعد ما ميعاد الاضراب التاني فات والناس سكتوا.................مش غريبه شويه

ولا اقولك ان بعض الظن اثم.....اسيبكوا مع رباعيه لجاهين

أنا اللي بالأمر المحال اغتــــــــــــوي

شفت القمر نطيت لفوق في الهـــــوا

طلته ما طلتوش إيه انا يهمنـــــــــي

و ليه .. ما دام بالنشوة قلبي ارتوي

عجبي !!

(2) فلنبحث عن السعاده

"غاية الانسانية..السعاده"
كثيرا ما سمعنا هكذا عبارات..و كثيرا ما صدّقنا على من يرددها..نعم.. فالغاية الكبرى التى نسعى جميعا من أجلها هى السعاده.
ولكن ما هى السعاده؟
انها احدى المفاهيم المطلقة التى لا يمكن وضع تعريف ثابت لها؟؟أو لا يمكن وضعها فى قالب واحد يتفق عليه الجميع
يا للعجب!!
كل الناس تبحث عن السعاده..و لكنهم -أبدا- لم يتفقوا على تعريف او وصف شامل لها !
فليسمح لى القارىء العزيز بالقاء الضوء على عاملين فقط يعتبران محددين للسعاده

1-ارتباط السعاده بالمال
2-الجانب الكيميائى للسعاده


1-هل يجلب المال دوما السعاده؟

يظن الكثير من الناس أن المال هو العامل الأهم لتحقيق السعاده..تعالوا نتأمل:لماذا لا تكون القضية دائما منتهية؟
بمعنى..لماذا نجد بعض الأغنياء سعداء و كذا بعض الفقراء؟
لماذا تزداد معدلات الانتحار فى بلاد تتميز بمستويات دخل مرتفعه جدا (كالسويد) مثلا ؟
و على الجانب الآخر..لماذا لا يحس كل الفقراء بالتعاسة ؟؟

بالتأمل البسيط..سنجد ان الارتباط غير حتمى و غير ملزم بالمره

مثال آخر أقدمة اليك-أى عزيزى القارىء-

أجربت دراسة فى أمريكا على بعض "مليونيرات الصدفة" 1
و يقصد بهذا المفهوم مجموعه من الأشخاص الذين أصبحوا مليونيرات فجأه..بمسابقات مثل اليانصيب مثلا

خرجت الدراسة بنتيجه تؤكد تغيير فى استقبال الواحد منهم للحدث الذى كان يسعده..فمثلا..لم يعد يحس بالبشر لمقابلة صديق قديم كما كان يحدث من قبل..لم يعد يضحك للنكات..لم يعد يستمتع بالتلفاز.
كسابق عهده

و لتكن هذة هى الفرضية الأولى

الفرضية الثانيه تأتينا من نتيجة بحث أمريكى أيضا..نتيجتة هى"الافراد الأثرى يكونون فى المتوسط أسعد انما بفارق ضئيل جدا"
و أكدت الدراسة على أنه"اذا ما توافرت للفرد منطلباتة الأساسية(الملبس و المأكل و المسكن و الصحه) فان أى اضافه للدخل لا تضيف للسعاده الا القليل جدا" 2
و لتكن هذة الفرضية الثانيه
يتضح لنا من الفرضيتين 1-عدم حتمية ارتباط السعاده بالمال
2-تأكيد قول الرسول الكريم:

"من أصبح آمنا في سربه، معافىً في جسده، عنده قوت يومه، فكأنما حيزت له الدنيا بحذافيرها
3
فلنتفق الآن على أن المال ليس هو السبب الأوحد للسعاده

الجانب الكيميائى للسعاده
4

مع التقدم المطّرد فى علم الأدوية..برزت عقاقيرعديده كمضادات الاكتئاب مثلا..و يعد عقار ال"بروزاك" 5 من أشهرها
ويعمل هذا العقار على زيادة ال"سيروتونين" (احد النواقل الكيميائية بالمخ..ثبت أنه يزيد من احساس المرء بالنشوة و السعاده"
(معسكر الكيمياء)كما أحب أن أسمية..يتعلل بأن المخ البشرى هو معمل كيميائى كبير..سيمكن فى يوم ما أن تكتشف أسرارة و نعاملة بالعقاقير..كال"بروزاك" على سبيل المثال.

سنرد على المعسكر الكيميائى بنتيجة احصائية بحتة:ثلث من يتعاطون العقار يتحسنون بشكل طيب..الثلث بشكل متوسط..و الثلث لا يتحسن على الاطلاق"

يتضح أيضا من نظرتنا الى هذا المعسكر عدم وجود الارتباط الحتمى بين كيمياء المخ و بين احساس الفرد بالسعاده

بكلمات أخرى..لا تحدد كيمياء المخ السعاده.
بشكل مطلق..اى انة لا حتمية تربط الاثنين

اسمح البعض الآن يتمتم فى ملل: لم تصل بنا الى شىء يا هذا !!

أرد بابتسامه..سنتقابل عما قريب ان شاء الله

يستكمل فيما بعد


----------------------------

1,2,4
"علم اسمة السعاده" د.أحمد مستجير..اقرأ 677

3
رواه الترمذي وابن ماجه والبخاري في الأدب المفرد

5
prozac.."fluxetine"
selective serotonin reuptake inhibitor

و القط يعبّر مثل الرجل أحيانا

يا ترى..مين وراهم !؟

مساء الخييير

لا تعليق

طلبة طب بعد الامتحانات

أدخل الامتحان الجاى ولا لأ!؟

....

انت لبست العمه انت كمان؟؟

ربنا ع المفترى ..!؟

بعد وجبة تقيلة!؟

Have a nice day !!

ماذا تفعل

ماذا تفعل ؟؟؟؟؟

عندما يظلك الليل ...وتجدك كينونتك الماديه بلا مؤنس ...وتخلو للتفكير في حياتك...ويفسح عقلك المجال لروحك ...ليعطيها الفرصه في التجلي والظهور...حتى تطغى على كل معالمك ...ستجد امورا لا يمكن لعاقل ان يتخيلها...وستجد ان ما اجتهدت للبحث عنه ولم تجده...جاءك وحده بعدما فقدت الامل...ماذا تفعل عندما ترى لأول مرة في حياتك....مفهوم ا لقضاء والقدر...بصورة ماديه تختلف عما نؤمن به ونقرؤه في الكتب...وبصورة تخصك انت بعينك ولا احد سواك...لتفهم انك انت المقصود بهذه الاشاره...فهي تعنيك وتخصك ...وعلى اساسها تقرر مصير حياتك....

ماذا تفعل حين تجد ان كل شيء اكتسبته في حياتك الجامعيه – عدا رفاقك – وان كل شخص عرفته وقادك قدرك اليه...ماهو الا شبح .....رغب في الاستفاده منك بشتى الطرق...وكسى وجهه امامك بقناع الملائكه...حتى تظل معه...ليكمل هو وجبته من دمك....وحين تفيق...يكون قد انتهى منك ....وتركك جثه تتحرك...لكنها تفتقر للروح التي تحركها...لتصبح كما الآلة...تؤدي ما يطلب منها فقط...لا تفكر ولا تعترض ولا تبتكر....تؤدي واجباتك بنصف الطاقه التي تستطيع انت اخراجها كلها عندما تكون روحك هي احد دوافعك..


ماذا تفعل حين تفيق انت من غفوتك .....لترى حقيقه كل من حولك....اشباح مقززة ..وكائنات متوحشه...تريدك ميتا حتى تتشارك في جثتك كغذاء لها ....

ماذا تفعل عندما تجد كل هؤلاء يحيطون بك...حيث لا سبيل للخروج...ويبدأ الظلام في اسدال استاره على عينيك...وانت تقاوم وتقاوم وتقاوم...فما تريد انت تموت في وسط هذا الكم الهائل من القاذورات....حينها تظهر وسط الوحوش...ملاك رقيق ينظر إليك...ويرثى لحالك ...حتى يطلق جميع طاقته....ليشع بدل الظلم انوارا..تبيد كل من حولك...وتتغلغل في ارجاء جسدك لتمنحك القوة على النهوض...لتداوي جراحك....بل لتجعلك اقوى مخلوق في الدنيا....لتطهر ما لوثك به اعداؤك الودودون....لتنهض وكلك امل في رؤيه النور مره اخرى بعد ان اوشكت ان تنساه...

ماذا تفعل حين يكون كل املك ان تكون كل حياتك لحظه واحده...تقضيها بين احضان هذا الملاك الذي انقذك....بلا رغبه في الافاقه من اغماءتك هذه...فهي جل ما تريد...ان تلقي بنفسك في احضانه....لترتقي وترتقي...حتى ترى اللاوجود بعينيك ...وتكون انت وروحك فقط في هذا الفضاء الفسيح...الذي لا يسع إلاكما...


ماذا تفعل حين ترى في الاشباح اجمل قدر احدثه الله لك....ليس لشخصهم...لكن لأنهم قادوك الى الملاك الذي قضيت عمرك كله في البحث عنه ....وما ان عثرت عليه,,,حتى زالت الغشاوة من على عينيك....واختفت اشباحك ...كأنها سراب...وكل ما بقي في كونك هو ملاكك .....فماذا تريد اكثر؟؟؟

ماذا تفعل حين تتخلى عن ايمانك بروحك ....لأنك قد وهبتها عن رضا....فما عادت ملكك...انما هي ملك للقلب الذي احبك ....والملاك الذي انقذك ....فكيف تبخل عن اعطائه ذاتك...وانت مدين له بحياتك؟؟؟

ماذا تفعل حين تلمس التغير في يومك وفي حياتك كلها...و تنظر الى حيث تضع قدمك....لتجد كل شيء وضيع عرفته في حياتك.. يحاول النهوض مره اخرى..لكنك تطغى بقدمك على رقبته...فما يقدر...وكل ما تجده في وجودك الراقي هو شخص واحد فقط ......ملاكك...يده في يدك....فتكونا جسدين بقلب واحد وروح واحده...لتقوى على أي شبح كان...


ماذا تفعل حين تستمد حياتك من اشتياقك اليه...وتفقدها بمجرد غيابه عنك...تذكر ::: ان كنت تبقى فالشوق يبقيك

اجبني اذن ...ماذا تفعل غير ان تشكر رب نعمه على نعمه اعطاها لك...ليمنحك الحياه.....

فقد وهبك كل ما تريد

...

أسرة طيبه..

.

ورفاق اوفياء

وحب ...راقي

فحمدا لك رب العالمين

النظام البقرمالي

عجبتني اوي فكرة التعريفات الجايه دي واول ما قرتها قلت لازم اصحابي حبايبي يقروها معايا

الاشتراكية: أن تكون لديك بقرتان تعطي واحدة لجارك

الشيوعية: أن تكون لديك بقرتان فتأخذ الحكومة الاثنتين وتمنحك بعض اللبن.
الفاشية: أن تكون لديك بقرتان فتأخذ الحكومة الاثنتين وتبيع لك بعض اللبن.
النازية: أن تكون لديك بقرتان فتأخذ الحكومة الاثنتين وتعدمك .
البيروقراطية: أن تكون لديك بقرتان فتأخذ الحكومة الاثنتين وتقتل واحدة وتحلب الأخرى وتلقي باللبن بعيدًا.
الرأسمالية: أن تكون لديك بقرتان فتبيع واحدة وتبتاع ثورًا، من ثم ينمو القطيع فتبيعه وتتقاعد معتمدًا على الدخل.
شركة أمريكية: أن تكون لديك بقرتان فتبيع واحدة وترغم الأخرى على أن تعطيك لبن أربع بقرات ثم تستأجر خبيرًا استشاريًا لفهم لماذا ماتت البقرة.
شركة فرنسية: أن تكون لديك بقرتان فتعلن الإضراب لأنك تطالب بثالثة.
شركة يابانية: أن تكون لديك بقرتان. تعيد تصميمهما جينيًا بحيث تصيرا عشر حجم البقرة العادية، مع مضاعفة اللبن عشرين مرة. ثم تبتكر شخصية بقرة للرسوم المتحركة اسمها (كاوكيمون) وتسوقها في العالم كله.
شركة ألمانية: أن تكون لديك بقرتان. تعيد تصميمهما جينيًا بحيث تعيش الواحدة مائة عام وتحلب نفسها وتأكل مرة كل شهر

يعني بتعمل كل حاجه بالصلا ع النبي يا خليفة
شركة إيطالية: أن تكون لديك بقرتان لكنك لا تعرف أين هما ثم تكف عن البحث لأن ساعة الغداء حانت

يعني فلاحين اوروبا فعلا يا ديركايزر
شركة روسية: أن تكون لديك بقرتان تعدهما فتجد أن لديك خمس بقرات. تعد من جديد فتجد أن العدد 42 تعد من جديد فتجد أنهما بقرتان تتوقف لتفتح زجاجة فودكا أخرى
شركة سويسرية: أن تكون لديك 5000 بقرة لا تملك واحدة منها. لكنك تتقاضى من الآخرين ثمن الاحتفاظ بها.
شركة صينية: أن تكون لديك بقرتان ولديك 300 واحد لحلبهما. تنشر أخبارًا عن انعدام البطالة وتقدمُ صناعة الألبان وتعتقل الصحفي الذي نشر الأرقام الحقيقية.
شركة هندية: أن تكون لديك بقرتان وأنت تعبدهما.
شركة بريطانية: أن تكون لديك بقرتان مجنونتان!
شركة مصرية: أن تكون لديك بقرتان كلتاهما ذهبتا لمبايعة الريس

وبمناسبة البقر خدوا الكاريكاتير بتاع البقره الخاينه ده

اموت واعرف جوزها هيتعامل مع الموقف ازاي

ولم لا...نفرح!!!؟

كنت من ضمن الفرحين جدا بمستوي المنتخب الوطني في كأس الأمم الافريقيه2008

وأيضا بتأهله الي كأس القارات2009 ومستوي المنتخب الرائع وحماس اللاعبين

وفرحتي الاكبر كانت بشعار غزه الذي رآه العالم مرفوعا في البطوله... وهذه كانت افضل كثيرا

من احراز اللقب وافضل ما فعله الفريق ومع ذلك رحبت بالفرحه كثيرا...ولكن الاسلوب الذي

اتبعه الناس للتعبير عنها..هو حقا مالم يعجبني..تعطيل الشوارع..التلويح بالاعلام

مشاجرات ومشاحنات..معاكسات..مشاهد مقززه لم احب ان اراها..اما من قاده حظه العاثر

للنزول بعد المباراه بالسياره..فحدث ولا حرج..يظل منتظرا في الشارع دقائق طويله

..ودون جدوي..كم من طبيب تاخر في هذا اليوم عن الوصول لمريضه!..كم من عامل

ترك اعماله!وكم ..وكم!!!!1

طبعا مبروك للاعبين واللاعبين فقط..برغم علمي لمدي الاحباط الذي سينوب

لاعبي منتخبات اخري كالطائره مثلا ابطال افريقيا واليد ابطال افريقيا والصاعدين للالمبياد وكاس العالم دفعه واحده قبل ايام قليله

ولم يهتم بهم احد...اين كان هذا الانتماء المفاجئ؟؟..وهل الانتماء اصلا يظهر بالاحتفال بالرياضيين؟

وتخيلوا معي المباراه النهائيه لو انتهت بفوز الكاميرون(نص :صفر بس) كان الوضع نفسه سيستمر برغم مستوي المنتخب الرائع؟؟..معلوماتي ان الرياضه تفقد اصلا معناها اذا لم نرضي بالهزيمه

واحتفلنا بالفوز فقط و ليس الا........!؟

ما دفعني لكتابه الموضوع انني اثناء تعطيلي في الشارع كانت هناك مشاجره امام عيني مباشره

نتيجه معاكسه بعض المتظرفين لفتاتان..ولدرجه ان احداهما انقضت علي احدهم صفعا بيديها..

والاغرب ان احدا لم يتدخل من الواقفين..بالفعل تركت السياره ونزلت ولكن بعدما انتهي كل شيئ:(

عيبي الواضح اني انظر للاشياء من وجهه نظر الاخرين..واضع نفسي في نفس اماكنهم

واري كل شيئ مثلما يرونه تماما واتصرف من هذا المنطلق حتي ولو فرطت في حق لي(مايسميهالبعض ضعفا او طيبه..واسميه ايثارا)2

اني لم انزل يوم المباره الا لزياره صديق مريض..حتي صاحب محل كريز الذي مررت عليه لشراء (الشكولاته:عاده اصيله لدي من يزور المرضي) قال لي انني لا يبدو علي السعاده..(ياعم احنا ماصدقنا نفرح الحياه مليئه بالاحزان والمصروفات والدروس..الخ الخ)الحاجه الوحيده اللي اتاكدت منها بعد كده ان الناس دي كلها صح وانا الوحيد اللي غلط

مبروك للمنتخب...اللهم انصر المسلمين في غزه وفي كل مكان ويارب نفرح دوما 3

2 pix, 12 y. inbetween

بسم الله الرحمن الرحيم

اسمحولي الاول امسح التراب اللي ع اللي كي بورد

وثانيا اهني كل مصري على احلى كاس افريقي

وثالثا ابدأ الموضوع عشان متتخنقوش مني

مفكرتش في مرة تاخد صورة من نفس الزاوية اللي اتخدت منها صورة تانية اتصورت قبلها بسنين؟

هي فكره جديره بانها تكون فكرة سيريال كيلر بيحاول يقلد جرايم جاك السفاح مثلا في فيلم امريكاني بس ليه لاء

متيجي نجرب

هي صورة اتخدت في التسعينات ,تحديدا سنه 1996

في مكان انتوا تعرفوه كويس

اللي في الصورة طلبة في 6 طب وقتها يعني ممكن يكونوا دكاترة علينا دلوقتي عشان كده خبيت الوجوه وكمان بعتذرلهم جدااا

بالنسبة للصورة اللي صورتها معتقدش انها كانت من نفس الزاوية بالظبط بس لو كنت ظبتها ثانيه زياده غالبا كان صحابي هيقتلوني

وبعتذر لاخواتي على التشويه ده بس محبتش افرج صوركم لسته مليار بني ادم بس ,انتوا مقامكم احسن من كده

عايز اسمع بقى يا باشا كليكك الجميل على الصورة الاولانيه عشان تكبر وتبقى حلوة كده وتتفرج على الارقام اللي حاططها لسعادتك

1

لون الكليه كان فحلوقي_ لو في لون بالاسم ده اصلا_ او يمكن تكون مش هي دي الكليه ودي شوية تراب مكانها الله اعلم

المهم انها مختلفة تماما

واليافطه لا تعليق عليها

2

يفط التهنئه

صدق او لا تصدق كانت بتتعلق ايامها بردو

ومتيهألي لو رجعنا للكلية في العصر الفرعوني هنلاقي يفط عليها تهنئه من الدكتور حابي للدكتور امنمحات بيهنيه فيها على رئاسته لقسم التحنيط

3

ما شاء الله العربيات كانت بتركن جوه

حاليا صعب تلاقي مكان لرجلك عشان تركنها

وموديلات العربيات طبعا حكااااااااااايه تقلش واقفين في معرض دبي

4

ستايل طالب الطب

وششششششششششك

قميص من اللي بيقول عليه البعض فاسكوس ويحب البعض الاخر تسميته خنافس

طلبة كلاسيك لدرجة تخلي كونكريت وجوتشي يقفلوا محلاتهم ويبطلوا شغل

وكنت هموت وافرجكم على النضارات

بس انا واثق في خيالكم وعارف انكم هتتخيلوها صح

5

العمود ده بالذات من ساعة ما عرفت ان كان عليه السلة دي

وانا ندمان على كل يوم وقفته ادامه

6

نفس الوقفة بتاعة يوم الاربع

ta7t el kobry syndrome

متلازمة تحت الكوبري

واضح اننا وارثنها عن اجداد الاجداد

ومتهيألي بردو ان حمورابي كان بيقف مع حتشبسوت في نفس المكان

7

فراااااااااااااغ

صعب تلاقي المساحات الشاسعه دي في الصورة التانيه

تفتكروا يا شباب الدكاترة اللي اتصوروا سنه 96 دول جه في بالهم ان في واحد هيقف ويمسك تليفون من اللي بيقول الو ويحاول يصور صورة تحاكي صورتهم؟

طيب تفتكروا بعد 12 سنه كمان يعني سنه 2020 حد هيفكر يصور من نفس الزاوية؟

تفتكروا هيصور بايه؟ بساعته مثلا؟ ولا مجرد انه يدوس على زرار في نضارته؟

طيب تفتكروا الصورة اللي بعد 12 سنه دي هيكون في ايه بين اضلاعها الاربعه؟

ممكن ميكونش فيها كليه خالص؟ او يمكن يكون فيه واتغيرت زي دلوقتي كده

يمكن مثلا بقى لونها تركواز او ليلا او بوانتي ومحدش يسألني الالوان دي شكلها ايه

يا ترى عدد الطلبة اللي في الصورة هيبقى وقتها قد ايه؟

يا ترى الناس هتكون لابسه ايه؟

يا ترى هتبقى فيه يفط عليها تهنئه من دكتور تيمو لدكتور كابو بيهنيه على رئاسة قسم تقليم الاظافر؟

يا ترى .. ياترى ..يا ترى؟

هرتلة , على مصطبة الشلة

هرتلة على مصطبة الشلة



ياااااااااااااااه , يومين راحة بعد ضغط امتحان الجراحة وما بعده من مناسبات اجتماعية كتير لينا بين عزاء وكتب كتاب لغاية ما الواحد جاله انفصال فى الشخصية
ده أقل مرض ييجى للواحد بعد يوم واحد يكون عندك فيه اتنين عزاء وواحد كتب كتاب مثلا

خلاص كده فاضل كتب كتاب واحد بس ولازم هناكل فيه طبعا ان شاء الله لأنه بيت معروف بالكرم

هييييييييييييييييييييييييييييييييييييييييييييييييييييه


قلت أستغل اليومين دول أكتب حاجة على لساننا كلنا وحاجة احنا حاسين بيها كجروب


فاضل يومين على الذكرى التالتة لرحلة الأقصر وأسوان 5/2


أحلى وأروع وأمتع رحلة طلعناها وأحلى رحلة وأحلى جروب ممكن الواحد يطلع معاه

الحقيقة ان الروابط بينا وبين أسوان بالذات جامدة جدا فمازالت فى رأينا كلنا هى أحلى مدينة رحناها شكلا وموضوعا وأهلا وناسا وجمال الجو وكل حاجة

مدينة قضينا فيها أحلى وقت ممكن لدرجة اننا بنحتفل بذكرى وجودنا فى المدينة دى بالذات


مدينة اللى حركت أكتر من واحد يعملو فيديوهات يخلدو اللحظات دى واللى كان نفسى أحط فيديو منهم اللى عمله واحد مننا بس للأسف مش عارف أوصل له خالص عشان أستأذنه


أسوان , اللى لما جه زميل الثانوى خريج الشرطة يحكيلى انه هيمسك هناك شجعته وقلتله انت هناك هتمسك فى أحلى مكان فى مصر , اوعى تسيبها


وقد كان وبقى لينا هناك الملازم الأول أحمد اللى اسمه يهد الجبل لأنه أبوه!!


وبقينا احنا اللى لسه طلبة نوصى على اللى نعرفه ورايح المدينة دى عشان يشيلهم على كفوف الراحة وينبسطو هناك , يمكن يشوفو هناك أيام حلوة زى اللى شفناها

وبصراحة الولد (أو الباشا بقى) عمره ما خيب ظننا أبدا , راجل بجد




على عكس الأقصر خاااااااااالص اللى ماعجبتناش كمدينة أبدا وكنا بنلاقى شوارعها مكسرة وطافح فى معظمها المجارى (عدا البر الغربى)


كنا مستغربين جدا ازاى المدينة اللى فيها سدس آثار العالم يكون اهتمام مجلس مدينتها كده


وازاى نقعد نقول مصر سبع تلاف سنة حضارة وأطول نهر فى العالم وأطول رئيس وزراء فى العالم وسايبين مدينة تقدر تصرف على 3 دول زى مصر من عائد السياحة بس بالمنظر ده


عملنا بالظبط زى بلدياتنا اللى لقى كنز , قال : كويس , فاضل الخريطة !


نهايته , اهى مجرد هرتلة وأتمنى ان رحلاتنا الحاية باذن الله تكون بنص حلاوة أسوان , كفاية علينا
يااااااااااارب

Casper

قصيدة رائعة..و شاعر مغمور

بعد ان قرأت قصيدة فاروق جويدة التي اتحفنا بها الاخ مصطفى في موضوعه الاخير ..قررت ان اقلده و اتحفكم بقصيدة اخرى...القصيدة بعنوان علمتني الحياة وهي لشاعر مصري مغمور.و لكنها من اروع القصائد التي قرأتها و قد ادرجها الشيخ محمد الغزالي في كتابه الممتاز جدد حياتك . هذه القصيدة قدمها الشاعر مصطفى حمام امام جمع كبير في جمعية الشبان المسلمين و حين فرغ من قراءتها أجهش بالبكاء!!و لأن الشاعر غير معروف لم تنتشرهذه القصيدة برغم روعتها.و اترك لكم الحكم..
عـلَّـمـتـنـي الحياةُ أن أتلقّى*** كـلَّ ألـوانـهـا رضـاً وقبولا
ورأيـتُ الـرِّضـا يـخفِّف أثقا***لـي ويُـلقي على المآسي سُدولا
والـذي أُلـهـم الـرِّضا لا تراهُ***أبـدَ الـدهـر حـاسداً أو عَذولا
أنـا راضٍ بـكـل مـا كتب الله***ومُـزْجٍ إلـيـه حَـمْـداً جَزيلا
أنـا راضٍ بـكل صِنفٍ من النا***سِ لـئـيـمـاً ألـفيتُه أو نبيلا
لـسـتُ أخـشـى من اللئيم أذاه***لا، ولـن أسـألَ الـنـبيلَ فتيلا
فـسـح الله فـي فـؤادي فلا أر***ضـى مـن الحبِّ والوداد بديلا
فـي فـؤادي لـكل ضيف مكان***فـكُـنِ الـضيفَ مؤنساً أوثقيلا
ضلَّ من يحسب الرضا عن هَوان***أو يـراه عـلـى الـنِّفاق دليلا
فـالـرضا نعمةٌ من الله لم يسـ***ـعـد بـهـا في العباد إلا القليلا
والـرضـا آيـةُ البراءة والإيـ***ـمـان بالله نـاصـراً ووكـيلا
* * *
عـلـمـتني الحياةُ أنَّ لها طعـ***ـمَـيـن، مُـراً، وسائغاً معسولا
فـتـعـوَّدتُ حـالَـتَـيْها قريراً***وألـفـتُ الـتـغـيير والتبديلا
أيـهـا الـناس كلُّنا شاربُ الكأ***سَـيـن إنْ عـلقماً وإنْ سلسبيلا
نـحـن كالرّوض نُضْرة وذُبولا***نـحـن كـالـنَّجم مَطلعَاً وأُفولا
نـحـن كـالـريح ثورة وسكوناً***نـحـن كالمُزن مُمسكاً وهطولا
نـحـن كـالـظنِّ صادقاً وكذوباً***نـحـن كـالحظِّ منصفاً وخذولا
* * *
قـد تـسـرِّي الحياةُ عني فتبدي***سـخـريـاتِ الورى قَبيلاً قَبيلا
فـأراهـا مـواعـظـاً ودروساً***ويـراهـا سـواي خَـطْباً جليلا
أمـعـن الناس في مخادعة النّفـ***ـسِ وضـلُّـوا بصائراً وعقولا
عـبـدوا الـجاه والنُّضار وعَيناً***مـن عـيـون المَهَا وخدّاً أسيلا
الأديـب الـضـعيف جاهاً ومالاً***لـيـس إلا مـثـرثـراً مخبولا
والـعـتـلُّ الـقويُّ جاهاً ومالاً***هـو أهـدى هُـدَى وأقـومُ قيلا
وإذا غـادة تـجـلّـت عـليهم***خـشـعـوا أو تـبـتّلوا تبتيلا
وتَـلـوا سـورة الـهـيام وغنّو***هـا وعـافـوا القرآن والإنجيلا
لا يـريـدون آجلاً من ثواب الله***إنَّ الإنـسـان كـان عـجـولا
فـتـنـة عـمّـت المدينة والقر***يـةَ لـم تَـعْـفِ فتية أو كهولا
وإذا مـا انـبـريتَ للوعظ قالوا***لـسـتَ ربـاً ولا بُعثتَ رسولا
أرأيـت الـذي يـكـذِّب بـالد***يـن ولا يـرهب الحساب الثقيلا
* * *
أكـثـرُ الناس يحكمون على النا***س وهـيـهات أن يكونوا عدولا
فـلـكـم لـقَّـبوا البخيل كريماً***ولـكـم لـقَّـبـوا الكريم بخيلا
ولـكـم أعـطَـوا الملحَّ فأغنَوا***ولـكـم أهملوا العفيفَ الخجولا
رب عذراء حرة وصموها***وبـغـيٍّ قـد صـوّروها بتولا
وقـطـيـعِ الـيدين ظلماً ولصٍ***أشـبـع الـنـاس كـفَّه تقبيلا
وسـجـيـنٍ صَـبُّوا عليه نكالاً***وسـجـيـنٍ مـدلّـلٍ تـدلـيلا
جُـلُّ مـن قـلَّـد الـفرنجة منا***قـد أسـاء الـتـقـليد والتمثيلا
فـأخـذنـا الخبيث منهم ولم نق***بـسِ مـن الـطـيّبات إلا قليلا
يـوم سـنَّ الـفرنج كذبةَ إبريـ***ـلَ غـدا كـل عُـمْـرنا إبريلا
نـشـروا الرجس مجملاً فنشرنا***هُ كـتـابـاً مـفـصَّلاً تفصيلا
* * *
عـلـمتني الحياة أنَّ الهوى سَيْـ***ـلٌ فـمـن ذا الذي يردُّ السيولا
ثـم قالت: والخير في الكون باقٍ***بـل أرى الخيرَ فيه أصلاً أصيلا
إنْ تـرَ الـشـرَ مستفيضاً فهوِّن***لا يـحـبُّ الله الـيئوس الملولا
ويـطول الصراع بين النقيضَيـ***ـنِ ويَـطوي الزمانُ جيلاً فجيلا
وتـظـلُّ الأيـام تعرض لونَيْـ***هـا عـلى الناس بُكرةً وأصيلا
فـذلـيـلٌ بالأمس صار عزيزاً***وعـزيـزٌ بـالأمس صار ذليلا
ولـقـد يـنـهض العليلُ سليماً***ولـقـد يـسـقـطُ السليمُ عليلا
ربَّ جَوعانَ يشتهي فسحة العمـ**ـرِ وشـبـعانَ يستحثُّ الرحيلا
وتـظـلُّ الأرحـامُ تـدفع قابيـ***لاً فـيُـردي بـبـغـيـه هابيلا
ونـشـيـد الـسـلام يتلوه سفّا***حـون سَـنُّوا الخراب والتقتيلا
وحـقـوق الإنـسان لوحة رسّا***مٍ أجـاد الـتـزويـر والتضليلا
صـورٌ مـا سرحتُ بالعين فيها***وبـفـكـري إلا خشيتُ الذهولا
* * *
قال صحبي: نراك تشكو جروحاً***أيـن لـحن الرضا رخيماً جميلا
قـلـت أما جروح نفسي فقد عوَّ***دْتُـهـا بَـلـسَـمَ الرضا لتزولا
غيرَ أنَّ السكوتَ عن جرح قومي***لـيـس إلا الـتقاعسَ المرذولا
لـسـتُ أرضـى لأمـة أنبتتني***خُـلُـقـاً شـائـهاً وقَدْراً ضئيلا
لـسـتُ أرضى تحاسداً أو شقاقاً***لـسـتُ أرضى تخاذلاً أو خمولا
أنـا أبـغي لها الكرامة والمجـ***ـدَ وسـيـفـاً على العدا مسلولا
عـلـمـتني الحياة أني إن عشـ***ـتُ لـنفسي أعِشْ حقيراً هزيلا
عـلـمـتـنـي الحياةُ أنيَ مهما ***أتـعـلَّـمْ فـلا أزالُ جَهولا
***************************************************

قراءة فى دفاتر الفوضى

فاكر -من أيام ثانوى- قد اية انا كنت بنبهر بمبدأ "عدم التأكد"للعبقرى الألمانى(هايزنبرج)
كنت بحس انة مش مجرد مبدأ فيزيائى..دة توصيف للحياه كلها و بيحولها الى لغز و غيب لا يعلم سرة الا خالقة..سبحانة و تعالى
:كان المبدأ بيقول

" من المستحيل عمليا تحديد موقع و سرعه الالكترون على وجه الدقة..و لكن أحدهما على وجه الدقة..و الآخر على وجه الاحتمال"

" locating a particle in a small region makes the momentum of the particle uncertain, and conversely, measuring the momentum of a particle precisely makes the position uncertain."

-----------------------
-----------------------

و يقود هذا التأمل لمبدأ "هايزنبرج" الى التسليم انة من المستحيل-فى الواقع- أن نتنبأ بشىء يتحكم فية اكتر من عامل(الجهاز المستخدم لتحديد موقع و سرعه دوران الالكترون حول نواة ذرتة
----------------------
----------------------

يقودنا دة بتوسع أكبر الى استحاله التيقن او الغاء نسبة ال 100 % من الحياه كلها
و تعالوا نسمى الفرضية دى (1)
(2)الفرضية
butterfly effect:
باختصار شديد مؤدى هذا المفهوم
انة لو وجدت فراشة تخفق بجناحيها فى مكان ما من العالم فانها قد
تحدث اعصارهائل فى مكان اخر بعيد جدا عن مكان الفراشة الاول
(بمرور الزمن و بتداعيات الخفقان و نتائجه)

----------------------------
----------------------------
تخيل معى..صخرة تهبط على جبل من الجليد..كلما تدحرجت الى اسفل أخذ الجليد يتراكم و يتراكم حولها حتى أصبحت هائلة الحجم و مدمرة حقا لكل ما يعترض طريقها..ربما يكون متسلق جبال قد سبب حركتها من مكانها الأصلى بدفعه بسيطة للغاية..و على سفح الجبل..قد تكون النهاية مدمرة لبيت كامل بما فية و من فية
اذا..بالرغم من بساطة الحركة الاصلية..فالناتج مذهل و رهيب و لم يكن توقعه ممكنا
-----------------------------
-----------------------------
و من الفرضيتين 1 و 2 ..خرج علينا علماء الفيزياء و الرياضيات بنظرية جديدة سموها (نظرية الفوضى)
و دة مفهوم حديث نسبيا..(اوائل الستينات)

"The name “chaos theory” comes from the fact that the systems that the theory describes are apparently disordered, but chaos theory is really about finding the underlying order in apparently random data."

ما تقوله حقاً نظرية الفوضى، هو أن ما يبدو فوضوياً ولا يضبطه شيئ في الظاهر ، هو في الحقيقة امر منظم و منضبط تماماً و تتحكم به "

"قوانين طبيعية في غاية الصرامة والدقّة

مثال آخر لتقريب الفكرة الى الأذهان..

تخيل وجود حبة رمل على المائدة..تخيل مكانها لو اضيف لها حبة اخرى فأخرى فأخرى..الخ
الى حد كبير سيتمكن العلماء من تحديد القوى الواقعه على الحبة الأصلية و سيمكنهم حينها التنبأ(و لو بشكل تقريبى) بمكانها و الضغط الواقع عليها
و يطلق على هذا النظام(النظام الخطى)
تخيل معى أيضا..وجود عدد لانهائى من حبات الرمل والقيت بسرعات
متفاوتة بزوايا مختلفه على المائدة..تخيل كمّ
التغييرات الواقع على كل حبة و كذلك على الحبة الأصلية..هنا سيستحيل تحديد مكان الحبة الأصلية (هل سقطت أم لا)
و يطلق على هذا النظام(النظام اللاخطى)

نظرية الفوضى تؤكد ان هذا النظام اللاخطى هو أكبر من ان نتمكن -بمحدودية عقلنا- من استنتاج التغيرات التى تطرأ عليه
و لكن كل ذلك يتم وفق نظام معد و مسبق و لأهداف معينه مرسومة بعنايه


بالتأكيد-أى عزيزى القارىء- أنك أصبت ببعض الدهشة من جراء النقلة-اللامتوقعه من فكرة تهدم النظام الى فكرة تؤكد أنه محكوم و دقيق الى أبعد الحدود !!
و هذا ما حدث معى بالظبط !!

الفكرة باختصار ان كل شىء منظم ومخطط لة بدقه غير عادية و ان عجزنا عن فهم و ادراك الأسباب التى اخلت بالنتاج الطبيعى للمقدمات حتى ادت الى هذة النتائج الغير متوقعه
دة نتيجة لقصور فى وعينا احنا
و ليس ادل من اطلاق الاسم الذى احبة كثيرا على النظرية.."الفوضى"

و يقودنا دة الى التسليم القاطع و النهائى بوجود قوة جبارة قاهرة و قادرة و مسيطرة على مقاليد الأمور كلها..قوة مطلقة لالة واحد قادر هو ربنا سبحانة و تعالى
و الى اليقين الدائم و الجازم بأن الله يدبر الأمور بحكمة و اقتدار من المستحيل أن يدانيهما أحد من خلقه
فالله -سبحانة و تعالى- أعلى و أعلم..و كل شىء عندة بحكمة و سبب

(و عندة مفاتح الغيب لا يعلمها الا هو و يعلم ما فى البر و البحر و ما تسقط من ورقه الا يعلمها و لاحبة فى ظلمات الأرض ولا رطب ولا يابس الا فى كتاب مبين)

------------------------
------------------------
و تأمل معى -عزيزى القارىء-
فى نفسك و فى الدنيا من حولك..
ستجد أنك مثل حبة الرمل التى تحدثنا عنها..و لكن كمّ التغيرات و العوامل -الداخلية و الخارجية- التى تؤثر فى حياتك أكبر بطريقة لا يمكن وصفها من حركة حبة من الرمل..لكن الله العظيم يعلم السر و يقدر الحكمة من جراء كل حركة فى حياتك..

تذكر يوم أن سرت فى هذا الطريق الذى لا تمشى فية عاده فقط لتجد فلانا فيخبرك بخبر أو معلومة..فتعدل عندك مفهوما أو تغيرة..فتتغير حياتك كلية
من الذى جعلك تسير يومها بالذات فى هذا الطريق بالذات لتقابل فلانا بالذات ليخبرك هذا الخبر بعينه؟؟!
انها حتما اراده عليا و حكمة أكبر من أن تعيها عقولنا المحدودة

سبحان الله...
------------------------
------------------------

المصادر:
هل نحن بلا نظير..323 عالم المعرفة2006

مقال للدكتور عدنان فقية
"كلية العلوم ..جامعه الملك عبد العزيز -جدة"

مواقع انترنت و مقالات متفرقة

هذي بلاد....لم تعد كبلادي

مقدرتش اقرا القصيده دي من غير ما يتهز كياني

اخر قصائد شاعري المفضل فاروق جويدة

ويقال انها فعلا هتكون اخر قصائده ومش هيكتب بعدها

الراجل كان واقف على شواطئ اليونان عشان يتكرم وياخد جوايز

وسمع بعدها بغرق الشباب المصريين على نفس الشواطئ

فكتب قصيده من احلى واجمل ما قريت في حياتي واكترها تاثيرا

هي على لسان شاب من الشباب الغرقى

هذي بلاد....لم تعد كبلادي

كم عشت أسأل أين وجه بلادي؟؟

كم عشت أسأل أين وجه بلادي؟؟

أين النخيل ؟ وأين دفء الوادي؟

كم عشت أسأل أين وجه بلادي؟؟أين النخيل وأين وجه بلادي؟؟

لاشيء يبدو في السماء أمامناغير الظلام وصورة الجلاد

هو لا يغيب عن العيون كأنه

قدر كيوم البعث والميلاد

قد عشت أصرخ بينكم وأنادي

أبني قصورا من تلال رمادي

أهفو لأرض لا تساوم فرحتي

لا تستبيح كرامتي وعنادي

أشتاق أطفال كحبات الندى

يتراقصون مع الصباح النادي

أهفو لأيام توارى سحرها

صخب الجياد وفرحة الأعياد

أشتقت يوما أن تعود بلادي

غابت وغبنا و انتهت ببعاد

في كل نجم ضل حلم ضائع

وسحابة لبست ثياب حداد

وعلى المدى أسراب طير راحل

نسي الغناء ....فصار سرب جراد

هذه بلاد تاجرت في أرضها

وتفرقت شيعا بكل مزاد

لم يبقى من صخب الجياد سوى.... الأسى

تاريخ هذه الأرض بعض جياد

في كل ركن من ربوع بلادي

تبدو أمامي صورة الجلاد

لمحوه من زمن يضاجع أرضها

حملت سفاحا فاستباح الوادي

لم يبق غير صراخ أمس راحل

ومقابر سأمت من الأجداد

وعصابة سرقت نزيف عيوننا

بالقهر... والتدليس... والأحقاد

ماعاد فيها ضوء نجم شارد

ماعاد فيها صوت طير شاد

يتمضي بنا الأحزان ساخرة بنا

وتزورنا دوما بلا ميعاد

شيء تكسر في عيوني بعدما

ضاق الزمان بثورتي و عنادي

أحببتها

أحببتها ......حتى الثمالة بينما

باعت صباها الغض..... للأوغاد

لم يبق فيها غير ......صبح كاذب

و صراخ أرض في لظى استعباد

لا تسألوني عن.... دموع بلادي

عن حزنها في لحظة استشهادي

في كل شبر من ثراها .....صرخة

كانت تهرول خلفنا و تنادي

الأفق يصغر.... والسماء كئيبة

خلف الغيوم.... أرى جبال سواد

تتلاطم الأمواج فوق رؤوسنا

والريح تلقي للصخور عتاد

نامت على الأفق البعيد ملامح

وتجمدت بين الصقيع أيادي

ورفعت كفي كي يراني عابر

فرأيت أمي........ في ثياب حداد

أجسادنا كانت تعانق بعضها

كوداع أحباب بلا ميعاد

البحر لم يرحم براءة عمرنا

تتزاحم الأجساد في الأجساد

حتى الشهادة راوغتني لحظة

واستيقظت فجرا أضاء فؤادي

هذا قميصي فيه.... وجه بنيتي

ودعاء أمي ,, كيس ملح زادي

ردوا إلى أمي القميص.... فقد رات

مالا أرىمن غربتي ...و مرادي

وطن بخيل ....باعني في غفلة

حين اشترته عصابة الإفساد

شاهدت من خلف الحدود ....مواكبا

للجوع تصرخ في حمى الأسياد

كانت حشود الموت تمرح حولنا

والعمر يبكي..... والحنين ينادي

ما بين عمر ......فر مني هاربا

وحكاية يزهو بها أولادي

عن عاشق هجر البلاد وأهلها

ومضى وراء المال والأمجاد

كل الحكاية...... أنها ضاقت بنا

واستسلمت لللص والقواد

في لحظة...... سكن الوجود

تناثرت حولي مرايا الموت والميلاد

قد كان آخر ما لمحت على المدى

و النبض يخبوصورة الجلاد

قد كان يضحك والعصابة حوله

وعلى امتداد النهر يبكي الوادي

وصرخت..... والكلمات تهرب من فمي

هذي بلاد.............. لم تعد كبلاد!!!!!

.......................................

مطلوب البكاء ثم الدعاء

مش هقول تدعي لمين او على مين المهم تدعي مفيش حاجه تانيه تتعمل

روايات و روائيون

عندما رأيت اسم جورج اورويل في موضوع كيمو الاسبق جاءتني فكرة هذا الموضوع.
هذه قائمة بما سأتذكره من افضل الاعمال الروائية التي قرأتها _يعني تجربة شخصية_و التي اوصي بقراءتها جدا. اعلم ان الوقت ضيق للجميع ولكن من يعلم ربما...
1_مسرحيات شكسبير:و منها هاملت،ماكبث،عطيل ،تاجر البندقية،روميو وجولييت و الملك لير
وان كانت مسرحيات و لكن بعد ترجمتها اصبحت في شكل الرواية.و طبعا شكسبير غني عن التعريف لذا لن اعقب.شخصيا اعتبر انه الاول(نمرة واحد يعني)ت.
2_روايتا البؤساء و احدب نوتردام لفيكتور هوجو
وهو الاروع و الامتع وعلامة الادب الفرنسي .ابحث عن نسخة كبيرة لان متعة فكتور هوجو في وصفه الرائع و الذي يختزل كثيرا في النسخ الصغيرة(يعني اللي زي بتاعت ماما سوزان و الهلال )ت
3_الجريمة و العقاب للروسي ديستويفسكي:
افضل من كتب في تحليل الشخصيات و نفسياتها.يسلك بك في دهاليز العقل في رحلة لا يمكن ان تجدها عند غيره(حاسب اوعى تتوه منه)
4_روايتا 1984ومزرعة الحيوان للانجليزي العبقري جورج اورويل:
يجب ان اقول ان رواية 1984 هي روايتي المفضلة.رواية عبقرية بحق ولكن احذر فقد تصاب باكتئاب حاد بعد الانتهاء منها (ودا اللي حصل معايا بالمناسبة)وايضا اقرأ بتمهل لان الرواية صعبة الفهم(يعني ممكن تقرا الصفحة مرتين وتلاتة لحد ما تفهم هو عايز يقول ايه بالظبط)
5_ذهب مع الريح للامريكية مرجريت ميتشل:
تحفة وحيدة .حيث لم تكتب الكاتبة شيئا مميزا غيرها.ولكن هذه الرواية الوحيدة كانت اكثر من كافية لتضعها على القمة.
6_جين اير للانجليزية شارلوت برونتي:
رواية كلاسيكية جدا.رومانسية جدا وتتميز بنهاية غير مأساوية (يعني مش هاتزعل في اخرها)جميلة جدا فعلا.
7_وداعا ايه السلاح للامريكي ارنست همنجواي:
قصة حب ملتهبة في وسط الاحداث الجسام .في وسط نيران الحرب العالمية الثانية.و...بس..كفاية كده.
8_قصص الامريكي ادجار الان بو:
هي ليست روايات بالمعنى المفهوم و لكن اذكرها هنا لاتها من نوع خاص .قصص رعب .
وطبعا ملك قصص الرعب هو ستيفن كينج ولكن بو له طابع خاص . مذاق مختلف ولكي افسر لك اكتفي بالقول انه كان مختلا عقليا _سايكو يعني_ ولذلك تجد اثار عقله المريض في كتاباته ومن افضلها سقوط منزل اشر و قناع الموت الاحمر.
9_الشاعر للفرنسي ادمون روستان او الاسم الاخر سيرانو دي برجراك:
ابحث عن نسخة بترجمة مصطفى لطفي المنفلوطي فهي افضل ترجمة.رواية رومانسية شاعرية جدا جدا جدا.احذرك...اقرأ الفصل الاخير لوحدك(يعني اقفل على نفسك وانتا بتقراه)لانك ستبكي بغزارة ان كان عندك احساس (اه عيطت ...لا اتهريت من العياط في اخر الرواية)حقيقي هاتدعيلي.
10_طبعا في العربي الافضل هو نجيب محفوظ و لكن ارشح لك رواية لعباس العقاد اسمها سارة_اه الرواية اسمها سارة_:
.دائما العقاد يكتب بعقله و لكن في هذه الرواية بالذات تحس ان هناك جزءا كبيرا من قلبه و احساسه فيها وهو ما قد يشكل دليلا انه كان يكتب عن سارة التي كان يحبها في الحقيقية.
طبعا هناك الكثير و الكثير و لكن المجال لا يتسع و اظن شخصيا ان هذه المجموعة من افضل ما كتب فعلا.
اسف للاطالة.و.....تصبحوا على خييييييير.

يوسي ماس

عارف يا حماده لو حفظت جدول الضرب بتاع الاتنين

الميس هتحبك اوي وهتجبلك بونبونايه وكمان هتكتبلك في الكراسه عشره على عشره ونجمتين

وامضاء ولي الامر

وممكن تبقى محظوظ اوي يا حماده والميس تديلك بوسه

يلا قول ورايا

اتنين في واحد باتنين

اتنين في اتنين باربعه

اتنين في تلاته بسته

............................................

انسف حمامك القديم

الناس اللي بتفكر_ده اللي بتفكر_اكتشفوا ان الذكاء مش كله موهبه ده اكتر من تسعين في الميه منه تدريب

اكتر من مية مليار خليه في مخك بيشتغلوا وكل واحده ليها وظيفه والبني ادم الذكي هو اللي عنده تنسيق احسن واسرع مابينهم

وده بيحصل عن طريق التدريب

انك تعمل ميكس ما بين التفكير والتخيل والذاكره والابداع وكل مراكز مخك

والناس اللي بتفكر_ده اللي بتفكر_اكتشفوا ان العمليات الحسابيه لو تم معالجتها بطريقة معينه هتوصل للميكس ده وتنمي ذكائك

الموضوع كله انهم بيستخدموا عداد اسمه الأبيكس وده مش جديد على فكره ده استخدموه في الصين من اربعتلاف سنه واتطور مؤخرا في ماليزيا لما اخترعوا فكرة اليوسي ماس

وفكرة عمله بتعتمد على ان الطفل يقوم بالعملية الحسابيه باديه الاتنين عشان الفصين يشتغلوا وفي نفس الوقت ذاكرته تشتغل لانه بيحول الارقام المكتوبة لاشكال من الخرز فبيطبع في دماغه مثلا ان الشكل الفلاني معناه

56478

وهكذا

وبعد فترة معينه من التدريب ممكن يحل معادلات معقدة جدا وارقامها خرافيه بالنسبة للجهله من امثالنا ويطلع حلها في منتهى البساطه

وتلاقي الولد من دول بعد ما تديله المعادله بيحرك ايديه الاتنين في الهوا عشان يتخيل شكل العداد ويطلعلك الناتج بسرعه وانتا تتفرج عليه ولسانك_سوري يعني_مدلدل من الانبهار

فعلا نتايج برنامج اليوسي ماس عبقريه

انا على فكره كان نفسي اتكلم عن الموضوع ده كتير من الناحيه التيكنيكال بس اعذوروني عشان انا من الناس اللي اتعلموا بالطريقة بتاعة الميس بتاعة البوسة اللي فوق ومفهمتش كل حاجه عن الموضوع

بس الاكيد_الاكيد فعلا يعني_اننا اتعلمنا وبنتعلم وهنتعلم غلط

جتنا نيلة في حظنا الهباب

دفـاعــا عـنــا

تأثرا بمقال:شباب عاوز الحرق!
لجارى العزيز الكاتب والطبيب د.أحمد خالد توفيق

دفـاعــا عـنــا

فى مرة جرب كده وروح لشيخ وقور عليه علامات التقوى واسأله: يا عم الحاج , ايه رأيك فى شباب اليومين دول؟

هتلقيه أرغى وأزبد وطار الوقار من على وجهه ومش بعيد دقنه تقع ويصرخ فيك: شباب تافه جاهل وقليل الادب سافل شهوااااااااااااااااااااااااانى

قول له بالراحة يا عم الحاج مش عايزين سكتة قلبية من مجرد سؤال. الشباب الشهوانى ده يا سعادة الباشا ممثل الجيل السابق وما قبله انتو اللى خليتوه شهوانى لأنكو ببساطة حرمتوه من أبسط الحقوق اللى بيمارسها أى قط فى مقلب الزبالة : المسكن والزواج!


واديتوله سفينة أكل السوس كل لوح منها والمسامير فكت وصدت وطالبتوه انه يمشى بالسفينة دى فى وسط البحر بين الدول , فبص حواليه لقى البوارج وحاملات الطائرات فسأل باستغراب: أمال كنتو بتعملو ايه وانتو ماسكين السفينة دى؟؟

فاتهمتوه انه شباب كسول وعايز كل حاجة تيجى سهلة !

حتى الاعلام , تحس ان فيه اجماع بين وسائل الاعلام المختلفة ان مصر ابتليت بألعن جيل من الشباب فى العالم كله ونسى الاعلام ان هو نفسه اللى قدم للشباب ده الكثيروالكثيييييييييييييير من هيفاء وبوسى سمير وأخواتهن

فى الحقيقة احنا الشباب مزنوقين بين نوعين من الصحافة , صحافة موالسة لأبعد الحدود تعلن هى عن زيادة الأسعار فى كذا وكذا وبعدين تبارك الخطوة الجبارة دى اللى اتأخرت عقود

تعظم فى الاشتراكية فى عهد عبد الناصر وتلعن أبوها فى عصر السادات.

وصحافة تانية معارضة لمجرد المعارضة فقط بتسلب الشباب حاجات كتير بيفخرو بيها من غير ما تحس. ولولا خوفهم النسبى من النظام الحالى كانو قالوا ان المصريين ماعبروش قناة السويس فى حرب أكتوبر , لقد تحركت القناة بضعة كيلومترات الى الغرب !

يخرج علينا التليفزيون فى برنامج على هيئة مذيعة حاطة على شعرها ازازة ماء أكسجين كاملة وعلى وشها أطنان من المساحيق خلاها أشبه بخباز فرن العيش بعد ما يغربل الدقيق وبتسأل الشباب مين هو وزير (التوابع المضادة) الحالى أو وزير (التعاون الاعلامى التخطيطى) ومايردش حد فتصرخ فينا الصحف ياريت الشباب يهتم بعقله زى ما بيهتم بالجيل اللى بيحطه على راسه...

ماليش رد على دى غير بجزء من رواية جورج أورويل الرائعة واسمها (1984) لما البطل كان بيسأل حبيبته (هل كان الحزب فى حرب مع ايستاسيا أولا أم كان فى حرب مع أوراسيا؟) تعليق أورويل نفسه قال ان البطلة ماهتمتش أصلا (لأنها لا ترى فارقا بين هراء وآخر)

بالظبط كده , الشباب برضه مش مهتم ومش هيهتم لأنه مش شايف فرق (بين هراء وآخر) هو ماخترش الوزير عشان يبقى مطالب انه يعرف اسمه ومش عارف مميزات ده عن اللى قبله

اسمحلو للشباب انه يختارهم وبعدين انصبوله المشانق لو معرفش

نفس الأمر ينطبق عالأسئلة من نوعية (متى انتهى حكم مملكة الأنباط) و (ما طول نهر الميسيسيبى) وغيرها من ثقافة الكلمات المتقاطعة وزى ما بنقول عليها فى شلتنا (المعلومات الفاشلة) لأن الثقافة تعريفها فى أى معجم : هى استخدام ما تملك من معلومات فى تكوين مفهوم متكامل عن العالم وكيفية التعامل معه


يسألنى البعض -حلوة البعض دى- يعنى انت قصدك ان الشباب اليومين دول ملايكة؟؟

هقول لأ مش ملايكة , ومش شياطين برضه. لكن كل الحاجات دى - وحاجات تانية مش لازم نقولها دلوقتى عشان بلاط الحبس بيكون ساقع فى الفترة دى- هى اللى ممكن تخليهم شياطين

وأنا كمان بتنرفز لما أشوف شباب روش طحن بيقول (أصل احنا مش لاقيين السيمبول -الرمز- اللى نتلم حواليه عشان نكون أكتيف) !

أحمد ربنا كتييييييير ان مفيش رمز زى سعد زغلول مثلا يتلموا حواليه والا كانو هيمشو وراه يهتفوا:

تعيش مصر كوووووووووووووول ومستقلة
!

تشيلسي و...السادات!!!

بحب تشيلسي.اه و بشجعه سواء كان الاول او العاشر. من غير تعصب ,بس بشجعه حتى من قبل ما تحصله الطفرة البترولية لما ابراهيموفيتش اشتراه.ماتقوليش ليه. اصل التشجيع دا حاجة مش منطقية خالص.ليه بتحب الفريق الفلاني او الرياضي الفلاني؟سؤال مفيش حد يقدر يرد عليه رد مقنع.و بعدين جه ماتش تشيلسي و الارسنال الاخير_وكان بقالي فترة كده مش بشوف ماتشات_وروحت اتفرج عند واحد صاحبي.وبدأ الماتش و كنت بقى كالعادة متحمس جدا و بشجع على الاخر و بعدين الاقي المدرب الصهيوني_بتاع تشيلسي للي مش عارف_طالل على الشاشة بوشه الاتم.والاقي نفسي اتقفلت كده و فترت.مش عارف مش عارف اهضمه مش مبسوط كده بوجوده.قولت معلش لقيت تيري بيزك و طالع من الملعب طب مين مكانه الصهيوني التاني بن حاييم و من اول ما وشه الفقر طل على الملعب وفى اول مشاركة ليه راح جالاس ضاحك عليه و زقه و حط الكورة جون.مش دي المشكلة المشكلة اني بدأت كده ازهق و اتقفل وبيني وبينكم بقيت محرج وانا باشجع الفريق.مش عارف اتعامل مع الوضع.ماهو كل شوية صورة المدرب وصورة الاعب.المهم في نهاية الماتش بعد ما ارسنال كسب لقيت نفسي باقول احسن و ماكونتش زعلان ان تشيلسي خسر ابدا.قعدت افكر في الحكاية دي و اقول طب ماهو ابراهيموفيتش يهودي و سبيلبيرج_المخرج_مثلا يهودي و ارد و اقول لا بس الاسرائيلي غير. الصهيوني غير.فعلا بجد ماعرفتش اعديها حاجة كده مالهاش تفسير زي كده تشجيع فريق معين.حاجة كده في دمك في تاريخك وفي قلبك بتقول لا.من بعد الماتش بقيت بتكسف حقيقي اقول اني باشجع تشيلسي ماكونتش واخد بالي يمكن بس بعد الماتش الوضع اختلف.طيب هاتقوللي قصة جميلة انت بقى عايز تقول ايه؟هاقولك يا سيدي لما قعدت افكر في الموضوع دا افتكرت كده حوار على قهوه مع صديق(هو عارف نفسه مش هاقول هو مين)قعد يقوللي اه والسادات بطل و المعاهدة تمام وانت يعني كنت عايزنا نقعد نحارب لحد دلوقت.و لقيت صديق تاني(برضه هو عارف نفسه ومش هاقول هو مين)بيصدق على كلامه!!!و استغربت جدا ..دا انا مش عارف اشجع الفريق اللي كنت بحبه جدا عشان كده صاحبه خد خط الصهينه..تيجي انت تقوللي و مالوه..نهادن و نعاهد و نطبع و نصهين بس معلش بلاش نحارب..اصل الحرب دمار و خراب ديار و شباب بيموت و نسوان تترمل وعيال تتيتم..طب و احنا عايشين ازاى ماهو الدمار و خراب الديار وموت الشباب _وهو حي كمان_و ترمل النسوان و تيتيم العيال حاصل اهوه من غير حرب ولا دياولو.تقوللي الحرب بتخرب الاقتصاد و تعيش البلد كلها في ازمة.دا على اساس ان الاقتصاد جامد والازمات كلها محلولة؟!!!طب ايه رأيك ان اقتصادنا ايام الحرب كان احسن من دلوقت و احنا عال العال و ولا حرب ولا حاجة!!تقوللي طب و ايه الفرق ماهي خربانة كده، وكده برضه خربانة..اقوللك فرق كبير قوي انك تعيش جعان و عريان بس معاك كرامتك احسن ما تعيش شبعان و مكسي من غير كرامة..فما بالك بقى انك عايش جعان و عريان و من غير كرامة برضة..!!!يا اخوانا و الله ماهو هبل ولا يعني شعارات واحنا جامدين و هنحطم اسرائيل و معاها امريكا كمان و كلام احلام مالوش دعوة بالواقع. كل اللي باقوله عيب نقول على الغلط صح و نقول ماكانش في غير كده. لا كان فيه بس الارادة اللي ضعيفة...قوي.كان فيه اكتر بس سقف احلام القيادة كان واطي...قوي.وبعدين دلوقت تطلع علينا القيادة الجديدة بصورة تقطر عارا و خزيا.اكيد كلكم شوفتوا الصورة اللي ايهود اولمرت طالع فيها_بوشه الاتم برضه_مع قيادتنا الرشيدة الحكيمة_كما يقال و العهدة على الراوي_وهما حاطين ايديهم على كتف بعض و بيضحكوا و منشكحين جدا.تقوللي و المعاهدة مالها ؟مال الصورة دي بموضوعنا ؟ماهي الحكاية مقدمات و نتائج.المقدمات الفلانية توصلنا للنتائج العلانية!!وللا انتو رأيكوا ايييييييييييييييييييه؟
نكتفي بهذا القدر و تصبحوا على سلام.

مبروك يا رجاله

الموضوع ده عامل زي مجله احنا اللي بنصدرها

تدوينه رائعه...بدايه مدويه ورهيبه
شخصيا لم اكن اتوقع السرعه والمجهود الخرافي
وشكرا علي المجهود الكبير من كاسبر يالذات
وطبعا مشاركات مصطفي وقدوس وميرو وزاجو و سانتا وعقبال الباقي

احب ابدأ مشاركاتي بسؤال هايف شويه بس محيرني

هو بوجي كان ولد ولا قرد؟؟؟؟؟؟؟
محدش يستخف دمه ويقول عروسه



انا شايف انه كان ولد صغير
طبعا هو ملهوش انف..وبقه كبير شويتين
بس ازاي طمطم كانت اخته وفي نفس الوقت كانت ارنب

ده احنا كان بينضحك علينا ضحك؟؟

السؤال التاني في ماده الكارتون
هو ليه جيري دايما كان بيكسب توم
هو توم ده كان شرير ولا ايه؟
عموما كان عندي احساس بانه كان كارتون
موجه وشخصياته رموز ودلوقت مش مقتنع بكده

سلاااااااااااااااااااااام
اسف لو كنت زودتها شويه