Wednesday, February 13, 2008

ولم لا...نفرح!!!؟



كنت من ضمن الفرحين جدا بمستوي المنتخب الوطني في كأس الأمم الافريقيه2008
وأيضا بتأهله الي كأس القارات2009 ومستوي المنتخب الرائع وحماس اللاعبين
وفرحتي الاكبر كانت بشعار غزه الذي رآه العالم مرفوعا في البطوله... وهذه كانت افضل كثيرا
من احراز اللقب وافضل ما فعله الفريق ومع ذلك رحبت بالفرحه كثيرا...ولكن الاسلوب الذي
اتبعه الناس للتعبير عنها..هو حقا مالم يعجبني..تعطيل الشوارع..التلويح بالاعلام
مشاجرات ومشاحنات..معاكسات..مشاهد مقززه لم احب ان اراها..اما من قاده حظه العاثر
للنزول بعد المباراه بالسياره..فحدث ولا حرج..يظل منتظرا في الشارع دقائق طويله
..ودون جدوي..كم من طبيب تاخر في هذا اليوم عن الوصول لمريضه!..كم من عامل
ترك اعماله!وكم ..وكم!!!!1

طبعا مبروك للاعبين واللاعبين فقط..برغم علمي لمدي الاحباط الذي سينوب
لاعبي منتخبات اخري كالطائره مثلا ابطال افريقيا واليد ابطال افريقيا والصاعدين للالمبياد وكاس العالم دفعه واحده قبل ايام قليله
ولم يهتم بهم احد...اين كان هذا الانتماء المفاجئ؟؟..وهل الانتماء اصلا يظهر بالاحتفال بالرياضيين؟


وتخيلوا معي المباراه النهائيه لو انتهت بفوز الكاميرون(نص :صفر بس) كان الوضع نفسه سيستمر برغم مستوي المنتخب الرائع؟؟..معلوماتي ان الرياضه تفقد اصلا معناها اذا لم نرضي بالهزيمه
واحتفلنا بالفوز فقط و ليس الا........!؟
ما دفعني لكتابه الموضوع انني اثناء تعطيلي في الشارع كانت هناك مشاجره امام عيني مباشره
نتيجه معاكسه بعض المتظرفين لفتاتان..ولدرجه ان احداهما انقضت علي احدهم صفعا بيديها..
والاغرب ان احدا لم يتدخل من الواقفين..بالفعل تركت السياره ونزلت ولكن بعدما انتهي كل شيئ:(
عيبي الواضح اني انظر للاشياء من وجهه نظر الاخرين..واضع نفسي في نفس اماكنهم
واري كل شيئ مثلما يرونه تماما واتصرف من هذا المنطلق حتي ولو فرطت في حق لي(مايسميهالبعض ضعفا او طيبه..واسميه ايثارا)2
اني لم انزل يوم المباره الا لزياره صديق مريض..حتي صاحب محل كريز الذي مررت عليه لشراء (الشكولاته:عاده اصيله لدي من يزور المرضي) قال لي انني لا يبدو علي السعاده..(ياعم احنا ماصدقنا نفرح الحياه مليئه بالاحزان والمصروفات والدروس..الخ الخ)الحاجه الوحيده اللي اتاكدت منها بعد كده ان الناس دي كلها صح وانا الوحيد اللي غلط




مبروك للمنتخب...اللهم انصر المسلمين في غزه وفي كل مكان ويارب نفرح دوما 3


6 comments:

der Kaiser said...

مبروك للمنتخب اللقب الغالى

شق القمر said...

عود حميد د.عمرو
وكما سالت د. مصطفى
أتمنى حضرتك كمان تفتح مدونتك عامة
حتى لو لم يكن هناك جديد فقد كانت هناك كتابات لها طابعها وحسنها وتستحق ان نعيد التقليب بين صفحاتها
..........

لكن بحق كان مفاجئة بعد ان قرات التوبيك ان اجده لحضرتك
ربما يكون تأثير مرض صاحبك هو ما جعلك ترى الفرحة الزائدة عن حدها بوجه اقل من الآخرين
ولكن كما قال لك العامل بالمحل
ما صدفنا حاجة تفرحنا
وانا مش شايفة ان فى مشكلة من التلويح بالاعلام
بالعكس دا شىء يسعد جدااااااااا
وما اثار فضولى .... كانت فين الاعلام دى من زمان ... كل واحد دلوقتى بيدور يجيب علم ويعلقه ادام بيته او مكان عمله او يشيله معاه
عن نفسى نويت اعمل كده
:)

طولت على حضرتك بس فى الاخر هختذل كلامى كله فى جملة د.أحمد

" مبارك للمنتخب "
" ومبارك لمِصر احساس ناس كتير بفرحتها حتى ولو كانت فى الكورة وحتى لو كانت لدقائق "

Casper said...

رغم اعتراضى معاك يا عمرو الا انى عارف ان عندك حق

أعتقد ان أنا أكتر واحد فى مصر فرحان بالفوز ده مش بس عشان فوز بلدى اللى بحبها أكتر من اى حتة فى الدنيا لكن عشان كنت شايف الناس حواليا اللى كانو بيشتمو فى البلد دى فرحانين لها أد ايه

فكانت فرحتى مضاعفة

لأن دايما مناقشتى معاهم عن حبى لبلدى كانت بتنتهى بخناقة

:D

أيوة كان لازم أفرح عشان لما أشوف حاجة حلوة فى البلد اللى الناس كلها شهدت انها حلوة عربى أو أجنبى يبقى أفرح أوى وأوى كمان

أما عن المشاهد المقززة فدى بتحصل فى أى تجمع مش لازم وقت الاحتفال بس لأنها للأسف أصبحت سلوك شبه عام

ولا انت ماشفتش فيلم (حين مسخرة)؟؟

مبسوط جدا بحكاية رفع الأعلام بس معترض معاك اننا مابقيناش نشوفها الا فى ماتشات الكورة بس

منتخبنا غير انه أثبت للعالم كله انه فعلا منتخب قوى بأدائه وبنتايجه وبالأرقام الا انه كمان أخرس الطابور الخامس فى البلد

اللى كانو بيقللو من قدرة وتاريخ منتخبنا لما قلنا ده احنا اللى أخدنا الكاس 5 مرات

قالو ان أول بطولتين أخدناهم قبل ما أفريقيا تعرف ان فيه بطولة أساسا واتنين أخدناهم بالحظ وبدعاء الوالدين وعشان كانت البطولتين على أرضنا وبطولة كمان أخدناها سنة 1998 اللى كان فيها بطولة كأس عالم فقال ايه المنتخبات اللى كانت فى البطولة مكانتش مركزة أوى فى البطولة عشان كأس العالم بعدها ب6 شهور بس فكان من الطبيعى اننا ناخدها

انما 2008 دى بالذات مافيهاش أى حجة من اللى قالو عليها

لعبنا برة أرضنا فى وسط جمهور غرب أفريقيا اللى متعصب لفرقه جداااااا (الكاميرون وغانا) وفى سنة مافيهاش كأس عالم وكمان لاعبنا أقوى فرق البطولة ماكنتش مجموعتنا سهلة أبدا بدليل ان النهائى كان من مجموعة مصر

كفاية انك لاعبت الكاميرون وكوتديفوار وجبت فيهم 9 أجوان

لا لا لا لا لا لا

لا تقوللى دروجبا ولا أرونا ... الكاس بتاعنا وبتاع أبونا

وماتنساش

ان غاب القط العب يا فار ... قطعنا الكاميرون , وكوتديفوار

Casper said...

أما عن تعطيل مصالح الناس باسم الاحتفال فهذا ما أكرهه بشدة

يعنى احنا مبسوطين فمش طالباها يعنى أى حاجة تبوظ الفرحة دى

عشان كده أنا أدين خروج البنات (لو كانو لوحدهم) فى وسط تجمع شبابى زى ده

لو معاهم حد يحميهم يبقى أوكى لكن للأسف احنا كلنا عارفين ان لو مجموعة شباب شمامين شافو مجموعة بنات بيهيصو معاهم هيعملو ايه

دول أنا بأتهمهم تهم تبدأ من غلط وعيب لتنتهى بعدم الاحترام وقلة الأدب على حسب ما شفت وعلى حسب ما (هن) عملو

وحبيت أنقل لك كمان شعر عامى بيعبر عن التناقض فى مشاعر الفرحة والوضع العام لبلدنا للشاعر الرائع على سلامة:



بقول لهم ... مين اللى بيعيط بحرقة ده ؟


قالوا لى


مواطن اتصور وهو بينضرب


قلت لهم


ومين الأمور اللى بيضحك ده ؟


قالوا لي


ده واحد عمل شوية كوارث وهرب


قلت لهم


والدنيا عتمة هناك كده ليه؟


قالوا لي


دى حتة جديدة بتتخرب


قلت لهم


ومين الحاوى اللى بيتكلم ده ؟


قالوا لى ده الوضع بيتقلب


وايه الهيصة اللى فى الساحل الشمالى دي ؟


قالو ا لي


دى البقرة بتتحلب


قلت لهم و إنتم قلقانين كده ليه ؟


قالولي أصل بنلاعب الكاميرون


وخايفين نتغلب

dr_abotrika said...

der kaiser:
مبروك لمصر كلها فوز منتخبنا القوي
وكل اللاعبين ظهروا بمستواهم الحقيقي عشان جديتهم في الملعب
محدش كان خايف علي رجله
ولا حد استخسر مجهوده عشان بلده
وده مثال رائع يحتذي به

شق القمر:
انا لم اغلق المدونه مثل مصطفي ولكن
فضلت اقصرها علي ناس معينين هم قراءها
يعني بقت بدعوه مني مش اكتر
ده مش عشان قيمه اللي مكتوب فيها فأنا لم اكتب فيها بعد شيئا يذكر
وعموما كل واحد منكم سيصله
permission
قريب جدا
وشكرا لك جدا

علي فكره انا كنت متابع للبطوله كلها
ومستوي الفرق كلها كان مرعب فطبيعي زي اي واحد اني اكون في قمه الفرح وخصوصا ان انا اصلا بحب اللعبه دي
وخصوصا اللعب نفسه مش المشاهده فقط
لكن كانت هناك سلبيات لم اكن اتمني رؤيتها ابدا هي ما اثارت حفيظتي
وطبعا رفع الاعلام ظاهلره مقبوله في اي مناسبه

وشكرا تاني

dr_abotrika said...

casper:
فينك ياعم الحاج من زمان؟
مين اللي بتتخانق معاه في حب البلد؟
اللي ميحبش البلد يدور علي حته تانيه يحبها
علي فكره في كونك معترض معايا
واضح انك فاكر اننا اتمنيت فوز الكاميرون علي مصر عشان مشفش المظاهر اللي حصلت
وده مش صحيح ابدا

وبعدين الفوز بالبطوله دي اكيد ماثرش علي المستوي الرياضي بس
ده حيكون له مردود قوي علي المستوي الاقتصادي والسياسي والبورصه في مصر
يعني مستفيدين مستفيدين
انت مسمعتش عن عرض الحضري في الارسنال
:)

تشكر ياعم علي قصيده بقولهم وقالولي
ههههههههههه

cu