Tuesday, May 6, 2008

.......الله يخرب بيت الاضراب


شاركتوا فى الاضراب وانبسطوا.....

....... 30%طيب يا سيدي... الريس في عيد العمال قال : االعلاوه هتكون في حدود

طيب الحكومه هتدبر منين الفلوس دى

شاطــــــــــر يا وله .....من الضرائـــــــــــــــــــــب

ازاي بقي ؟؟؟؟؟؟؟؟

أولا : مفيش حاجه اسمها مناطق حره .....كله هيتاخد منه ضرايب

ثانيا : اسعار الطاقه للمصانع هتزيد خصوصا الحديد والاسمنت .........وافهم انت

ثالثا : هيزودوا الضرايب ع المدارس الخاصه.........مالناش دعوه بيها دي

رابعا: البنـــــــــــزين غلي" علي نظام ميلودي تتحدي الملل" و" نحن نحطم الاسعار تحطيما"..لتر ال90 بقى ب175 قرش وال92وال95غليوا كمان والسولار بالمره زياده الخير خيرين

كان زمان لما كنا ندعي علي واحدنقوله الله يحرقك بجاز...ادينا هنتعلم مندعيش علي حد بعد كده لحسن الحاجه تغلي

الحمد لله انا بامون 80 اللتر ب90قرش....بس كمان شويه مش هنلاقيه

بالمناسبه يا جماعه....حد خد باله من حاجه !!!!!!!!!!............محدش من الحكومه اتكلم عن مصادر التمويل ولا الضرايب الا بعد ما ميعاد الاضراب التاني فات والناس سكتوا.................مش غريبه شويه

ولا اقولك ان بعض الظن اثم.....اسيبكوا مع رباعيه لجاهين


أنا اللي بالأمر المحال اغتــــــــــــوي

شفت القمر نطيت لفوق في الهـــــوا

طلته ما طلتوش إيه انا يهمنـــــــــي

و ليه .. ما دام بالنشوة قلبي ارتوي

عجبي !!

4 comments:

der Kaiser said...

حقيقى تماما..كل ما قلتة حقيقة

شق القمر said...

د.سانتا كلوز
بجد اللى مستغرباه
ان الناس سكتت على الارتفاع دا بمقارنة لما صدرت اشاعة انه هيزيد عشر قروش مش خمس وستين قرش
ربنا يستر علينا
يظهر ناويين نعيش السنوات العجاف لحد ما يجى واحد له دماغ يضبط البلد دى
والله لما احنا بنقول كده .. بال الناس اللى ملهاش مورد وعايشين

dr_abotrika said...

ديعو..انت بتهرج امال حيجبولكوا منييييييييييييين؟

۩۝۩ Dr. Flavio ۩۝۩ said...

إنت لو تعرف المكافأه اللي صرفوها لعمال شركه مصر عشان يراضوهم جت منين .. هتقول الله يخربيت دي بلد

يقصوا من حته ويوصلوا الحته التانيه ولا من شاف ولا من دري .. متهيألي اللي بنى مصر كان ترزي

تحياتي يا دكتور