Monday, December 24, 2007

كاتيجوريز طلبة كليتنا

All for one, One for all
Brother to brother, yours in life and death
والله كل الكلام ده ميوصفش انا بحب اصحابي قد ايه خصوصا دلوقتي
وفعلا فرحان جدا بلمتنا مؤخرا وفرحان اكتر بالمدونة دي وان شاء الله تلمنا اكتر واكتر واكتر
طبعا انا اتحطيت في موقف زي الزفت لان اللي هيقرالي بعد خليفة هيحس انه بياكل الحادق بعد الحلو
وعشان اهرب من الموقف ده هخلي الموضوع ده حاجه في الفنفنه كده
هحط كليب وقع تحت ايدي من فترة كده بس زي العسل ,هحكيلكم قصته
وانس ابوكم تايم يا شباب, شوية شباب في طب القصر العيني قرروا يقسموا طلبة الطب لخمسه كاتيجوريز
وبعد ما قسموهم صوروهم في كليب وعملوا لكل كاتيجوري اغنيه كباك جراوند مش عارف اقولكم قد ايه الاغاني لايقه وقد ايه تقسيمهم مظبوط
مش هحرقهولكم بقى اتفرجوا بنفسيكم
بالمناسبة انا بقالي فترة حاسس بالشر بيتحرك جوايا وكنت ناوي اعمل حركه شريرة بجد واطلب منكم كل واحد يصنف نفسه في كاتيجوري
وبعدين نويت اعمل حركه تانيه كانت هتخلي ابليس مجرد تلميذ فاشل من تلاميذي
كنت هخلي كل واحد يدخل ويصنف العشرة الباقيين كل واحد في كاتيجوري
بس قلت انا كده هقفل المدونة من قبل ما تفتح فكفايه اوي كل واحد يقول رأيه في الكليب
وكل سنه وانتم طيبين ويا رب نفضل مع بعض على طول


14 comments:

SNOW PRINCESS said...

أولا مبروك علي المدونة الجديدة..ويارب يديم المعروف بينكم علي طول ان شاء الله
الكليب ده انا فاكراه كويس قوي..لأن اللي عاملينه من كليتنا في القصر العيني وفي منهم واحدة دفعتي..صحيح انا معرفهاش شخصيا بس هي نشاطاتها كتير ماشاء الله
:D

وبالنسبة للكاتيجوري
انا بحس نفسي مزيج من كله..ويمكن ساعات أكتر الاقي نفسي حاجة تانية غير دول خالص

المهم ما علينا
:D
هو كليب جامد ماشاء الله.عاملاه حاجة في القصر العيني عندنا اسمها ال
SSS
STUDENTS SOCIAL SOCIETY

der Kaiser said...

مشكور مشكور مشكور يا مصطفى

احنا اللى بنتعلم منك و من اسلوبك الراقى مش العكس

العين ما تعلاش عن الحاجب عمرها يا أستاذنا

و الكليب تحفه بجد

و الاقتراحات دى هايلة..بس احم..طول بالك على البلوج بس مش عايزينة يقفل بعد 24 ساعه

!!

Nothing`s worth said...

snow princess
أولا نورتينا يا دكتورة وان شاء الله ضيفة دايمة عند الاليفينز
والف الف شكر على المعلومات دي عن الكليب
بصراحه زمايلك دماغهم عاليه اوي ما شاء الله الكليب معمول بحرفيه
شكرا دوك


der kaiser
اسلوب ايه يا بني دنتا عامل مقدمه تاخد عليها براءة اختراع ما شاء الله
بجد ربنا يبارك فيك
بالنسبة للاقتراحات فعلا كانت هتنيل الدنيا
انا عن نفسي لو كان حد صنفني زي الواد البيسميت بتاع نو بادي لوفز مي أو كنت اتصنفت مع الفاتيد تو سافر زي الواد بتاع اي ويل سيرفايف كنت هكسر الكومبيوتر
عشان كده قلت الم تعابيني وبلاش ازيه
ميرسي يا زاجو على تعليقك وعلى وجودك وعلى كل حاجه

dr_abotrika said...

علي طول الشغل ابتدي ...ماشي يا مصطفي...تمام

Casper said...

كويس انك لحقت نفسك وسحبت الفكرة يا مصطفى

وسبحان الله انت صنفت نفسك فى التصنيف الل كان هيحطك فيه معظم الناس

:p

شفت الشر عمره ما بييجى بفايدة

بس تخيل الفيديو ادانا العلاج؟؟؟

*****

نورتينا دكتورة ايمان

ويارب توصلى سلام مخصوص لزملائك فى الكلية على هذا العمل الرااااااائع

*****

أعتقد ان كلنا فينا شبه كبير من الراجل بتاع

enjoy it!!

بس مافيش سقوط بالعكس برضه بنجيب أعلى من اللى بيذاكرو طول السنة

سبحان الله , بس الدماغ عندنا أهم

Nothing`s worth said...

dr_abotrika
ايوة يا ميرو طبعا الشغل ابتدى امال احنا فاتحنها نتفرج على صورة الحداشر اللي فيها
وياريت انتا كمان تبتدي
;)


casper
الحمد لله اني سحبتها يا كيمو كان هيتقلب السحر ع الساحر
اصل انا عارفاكوووو عارفاكو يا بتوع الكاميره المخفيه هو انا عبيطه؟
:D
يلا بقى مستنين موضوعك

dr_abotrika said...

علي فكره يا مصطفي انت عارف ان انا الكاتيجوري الخامس
واخويا الصغير بيقولك انه الكاتيجوري التالت
انت بقي الكاتيجوري الكااااااااااام؟؟؟؟؟؟؟؟؟؟؟؟

Nothing`s worth said...

Dr_abotrika
لؤي شو اوف؟
فام فيتال؟
هههههههههههههههههه
يخرب عقلك يا عمرو
انتا هتخليني ابصبصله لما اشوفه في المجمع
انتا مش تيك ات ايزي اوي يعني بس تقدر تقول انك انجوي ات فعلا
بالنسبالي مش عايز اتصنف
انا اساسا غلطت اني حطيته الزفت ده هنا
:D

شق القمر said...

ههههههههههه
ربنا يبارك فيكم
واعتقد ان كلام كاسبر صحيح
Enjoy it
تقريبا عالم النت كلهم كده
بالتوفيق شباب
وفعلا جميل ما صنعه زملائك إيمان
وبرده فعلا مفيش أروق مننا شعب الطب
لازم نروق دماغنا ونستمتع عشان نعيشها ونعيش سنين الطب ودماغنا متفرقش ولا يحصلها لخبطة
:))))
اختيار موفق د.مصطفى

dr_abotrika said...

معلش يا مصطفي دي غلطه هو يقصد التاني

Nothing`s worth said...

شق القمر
مش كلهم انجوي ات اوي يا دوك
انا اعرف واحد فيهم شايف ان لايف از باين
:D
شرفتي دكتورة رنا

dr_abotrika
اه اذا كان كده معلش
لما اشوفه بقى نبقى نحكي مع بعض

David_Charle_Samhon said...

انا اتأخرت للرد بس مش بمزاجى
بصراحة أحلى كليب شوفته وجايب كل أنواع الطلبة ما عدا نوع واحد غير متواجد الا فى كليتنا الغراء
بالنسبة ليا انا شايف ان الكاتيجورى الرابع لايق عليا شويةاللى هو
Ne pour soufrirاللى معناه
المولود لكى يتعب
بس أحمد ربنا ان أنا مش من النوع الأول ولا يمكن اقدر اتخيل ان أنا من النوع ده ولو قدر لى أن ارتبط بواحدة من النوع ده فستكون النتيجة هى الانتحار ليلة الدخلة
بس بصراحة أنا انبهرت بالكليب ده
وأخيرا ما دام انت عندك روح الدعابة دى كلها ليه دايما لما اقابلك فى الكلية احس انى باصطبح بسخسوخ اللى فى فيلم الكيف
حاجة غريبة!!!!!!

der Kaiser said...

هههههههههههههه

أحب أسجل اعجابى الشديد باشارة ديفيد سمحون الى شخصية "سخسوخ" يا عم مصطفى

و مش هقول اكتر من كدة
الماسج وصلت!!

Khaled Selim said...

مفيش صوت

يوتيوب بيغلس علينا ومنع الصوت


فيه حل نشوف الكليب بالصوت في حتة تانية