Wednesday, December 26, 2007

مبروك يا رجاله





الموضوع ده عامل زي مجله احنا اللي بنصدرها

تدوينه رائعه...بدايه مدويه ورهيبه
شخصيا لم اكن اتوقع السرعه والمجهود الخرافي
وشكرا علي المجهود الكبير من كاسبر يالذات
وطبعا مشاركات مصطفي وقدوس وميرو وزاجو و سانتا وعقبال الباقي

احب ابدأ مشاركاتي بسؤال هايف شويه بس محيرني

هو بوجي كان ولد ولا قرد؟؟؟؟؟؟؟
محدش يستخف دمه ويقول عروسه



انا شايف انه كان ولد صغير
طبعا هو ملهوش انف..وبقه كبير شويتين
بس ازاي طمطم كانت اخته وفي نفس الوقت كانت ارنب

ده احنا كان بينضحك علينا ضحك؟؟

السؤال التاني في ماده الكارتون
هو ليه جيري دايما كان بيكسب توم
هو توم ده كان شرير ولا ايه؟
عموما كان عندي احساس بانه كان كارتون
موجه وشخصياته رموز ودلوقت مش مقتنع بكده

سلاااااااااااااااااااااام
اسف لو كنت زودتها شويه

8 comments:

Nothing`s worth said...

والله يا اخ عمرو ديزني هو انا اكتر واحد كنت بحبه في المسلسل ده كان عمك الحاج شكشك ربنا يمسيه بالخير وبعدين مش فارقه بيني وبينك قرد ولا ولد واخته ارنبه ولا تعلبه المهم ان احنا فعلا وقته كنا بنقعد نتفرج عليه ومستمتعين
بالنسبه لموضوع جيري على فكره انا شفت افلام كتيرة كان توم هو اللي طيب وهو اللي بيكسب وفي افلام تانيه كانوا بيبقوا اصحاب كمان بس انتا لو فكرت فيها هتلاقي ان لو خلوا توم هو اللي ينتصر مش هيبقى في جيري اساسا كان زمانه اتاكل يا معلم
هي المدونه قلبت ميدو بارك ليه كده؟
عمرو قوم نام يا عمرو
:D

der Kaiser said...

بالنسبة للأخ بزجى دة..عمرى ما حبيتة يا اخى..كان مسلسل غير محبب عندى بالمرة

اما بالنسبة لصديقنا توم..كتير كنت بتعاطف معاه و هو قط كبير كدة و حتة فار صغير عمال يبعزق فية يمين و شمال !!بس رأى مصطفى تقريبا رأيى فى النقطة دى

dr_abotrika said...

حاضر يا استاذ مصطفي

dr_abotrika said...

der kaiser:
لا انا كنت بحب جيري لما بيقطع توم
خصوصا في الحلقه بتاعه امبارح
عشان توم يستاهل بصراحه

Nothing`s worth said...

ياتي كميله :D

dr_abotrika said...

اوعه يااااااله

Anonymous said...

بصراحة انت كان بينضحك عليك لوحدك لان شكلك كان من هواة هذا المسلسل
و بعدين توم وجيرى اتعمل للضحك
كون ان بعض المواقف او النهايات بتنطبق عليه فده من قبيل توارد الخواطر

dr_abotrika said...

مين قال ان توم وجيري اتعمل للضحك
علي فكره انا شوفت كل الحلقات
ومضحكتش فيها برغم اعجابي بالافكار
ولاحظ ان في ناس كتير بتكتب الحلقات...يعني متعرفش كل واحد منهم سكته ايه
c u ahamed