Wednesday, December 26, 2007

قال ايه.......اوروبا زعلانه...

بسم الله الرحمن الرحيم
أولا احب اهني شباب ال11...اللي انا بحبهم وبموت فيهم ...بلمتنا اللي ظهرت اكتر في نطاق هذه المدونة الي نتمى انها تستمر ان شاء الله
وهبدأ اولى مشاركاتي بكلام ظريف جداااا سمعته النهارده في برنامج العاشره مساء
..
لما كان موضوع الحلقه عن البحث العلمي
...
وكانت المفاجئه ليا انا ووالدي لما سمعنا الارقام دي
...
1.6
مليار دولار سنويا تنفق على البحث العلمي من الدول العربيه مجتمعه...يعني (لكشه واحده)بيدفعوا المبلغ ده
كتر خيرهم
240
مليار دولار سنويا تنفق من الولايات المتحده الامريكيه لوحدها على البحث العلمي
مساء الفل
....
6
مليار دولار سنويا تنفق على البحث العلمي ..
ومن مين كمان
من اسرائيل
....
مساء ال......على رأي اخونا حازم
الدول العربيه تنفق ما يقارب ال 20 مليار دولار سنويا ان لم يكن كثر على......
الدجل والشعوذة
لأ كده بقى روح صالح تحوم في المكان
ويتوالى مسلسل الصدمات
واسمع ان اوروبا قال ايه زعلانه....فعملت اجتماع ضمت فيه العلماء اللي حصلوا على جوائز نوبل
..
طب يا ترى سبب الزعل ايه وسبب الاجتماع ايه
...
كانت يا جماعه بتناقش (تدني مستوى البحث العلمي في الفتره لاخيرة) لا تعليق
انا قلت الكلمتين اللي عندي والسلام
...
لو حد عارف الناس اللي احنا عايشين في وسطهم دول هيودونا لحد فين ...وهل لما هيودونا هيسيبونا نرجع تاني ولا لا؟؟؟؟يقولي والنبي عشان انا من ساعتها والحياه بقى لونها وردي
...
والدنيا ربيع
والجو بديع...
وقفل على
كل المواضييعععععععععععععععععععع
وسلام مربع لسعاد حسني
...
all we have today is to wait for tomorrow
سلام

7 comments:

Musketeer said...

welldone miro ,howccome that u spend on Haifa and Ruby and the problem of national discussion if the new clip is porn enough or not,or when the national dignity is determined by the voting in Star Academy & alot of other things that u can guess alone ,solve these and then tell me when we will be sad as Europe.

Casper said...

موضوع جامد

أيوة كده أنا نفسى المواضيع كلها تبقى سخنة كده عشان نروح فى داهية كلنا ان شاء الله

وان كنت أنا أكدب المعلومة لأنها أكيد مش صح

أكيد الدول العربية مش بتنفق 1,6 مليار دولار سنويا فى البحث العلمى الا اذا كنت حسبت معاهم وجبات التغذية بتاعة الباحثين ووجبات التغذية بتاعة طلاب المدارس كمان

وعليهم حوافز , وبدلات بحث علمى

:D

موضوع جامد للأسف مخدش حقه فى المناقشة عشان اللى نزل وراك

بس كويس احنا بالمعدل ده هنتلم كلنا فى أول أسبوع

:D

وعلى فكره سعاد حسنى باعتالك سلام مثلث

Nothing`s worth said...

ميرووووو
نورت يا حبي
انتا فتحت موضوع جامد اوي اوي على فكره
انا عايز اوجه نظر سياتك لحاجه مهمه كمان الفلوس اللي انتا مستقلها على البحث العلمي دي يا ريتها بتروح للبحث في حد ذاته
احنا عندنا فكره عبقريه عن اي تطوير في الدنيا وهو انك تطور المنشات
يعني هتلاقيهم بيبنوا مراكز البحث العلمي وما الى ذلك ومفيش بحث اساسا
تلاقي عندنا حاجه اسمها تطوير التعليم الجامعي ويطوروا الاقسام ويعملوا غرف مخصوصه للتطوير والتطوير في حد ذاته يكون في شكل امتحانات ام سي كيو وبروبليم سولفينج
وبالنسبه لسؤالك الناس اللي احنا عايشين في وسطهم _وان كنت عايزك تخليها اللي عايشين تحتهم_هيودونا لحد فين؟ فدي حاجه واضحه زي الشمس
هيودونا الجنينه ونشبك ادينا وندور سوا ع الارض الخضرا والارض تدور بينا يا سمانا يا بنور العصفور بيدور واحنا كمان بندور ونغني

يا لمونا دوخينا

der Kaiser said...

ياااااااااااه
جت على الوجيعه يا ميرو و الله

يجب ان نعى تماما ان العلم و البحث العلمى ليس ترفا و ليس شىء للفانتازيا
لا..اطلاقا..دة هو الامل فى مستقبل افضل..مثال وحيد:تطبيقات الهندسة الوراثية فى تطوير مستوى زراعه القمح فى مصر مثلا
شوف بقى هيوفر علينا فلوس قد اية؟ بدل الاستيراد المكلف دة

عموما..لنا الله

dr_abotrika said...

يا اخ عمر
الفلوس مش كل حاجه
فيها ايه يعني الارقام الهايفه دي
احنا عندنا العقول المتكلفه اللي تعرف تعمل كل حاجه بتكلفه اقتصاديه
عشان احنا فراعنه
عمرك شفت حد بني هرم
احنا بنينا تلاته هع هع هع

سلام

msmoe said...

الله الله .ايه دا يا عمير؟
ما انتا ممكن تبقى جد احيانا اهوه. موضوع كبير عايز اكتر من كده يا مان ماتنفعش النأرزة دي.عايزك تجمد كده وتكمل شوية لو ينفع..لو ينفع يعني.

David_Charle_Samhon said...

أنا متهيألى الكلام فى مثل هذه المواضيع غير مجدى
لانه ببساطة مش هايغير شئ من الواقع اللى بنعيشه
وبعدين يا سيدى التغيير هاييجى فى وقته فيا ريت ما تستعجلش
لانى بصراحة نفسى الدنيا تتنيها ربيع فى ربيع
وأحلى سلام منى ليك وزلسعاد حسنى
و رقصنى ياجدع