Tuesday, December 25, 2007

صباح الخــــــــير


بعد التحيه.....................تحيه كمان

هو في الحقيقه انا مش عارف اكتب ايه بعد الناس الجامده دي كلها .....بس الاول احب اقول ليه انا اختارت الاسم ده في الحقيقه لان سانتا هو الشخصيه الوحيده في العالم اللي بيديك اللي انت تطلبه منه من غير ما ينتظر منك حاجه ومفيش حد بيعمل كده في الدنيا غير ابوك وامك .....بس مش معقول هاكتب اسم عيلتى في النت فاخترت سانتا .....هو طبعا انا مش زيه لأ ن انا مش اهبل علشان اعمل لكل واحد حاجته علي طول الخط

المهـــم ....انا احب احيي كاسبر لانه نفذ الفكره وهى فكره من حوالي سنتين بس هو سبق ونفذها

واحب احييكوا بأكأب رباعيه لعمنا المرحوم صلاح جاهين.....علشان تكتئبوا اكتر واكتر


خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي
ســـــــــلام

6 comments:

Casper said...

يا ديعوووووووووو يا مولعهااااااا

هو انت تفرفشنا برة وجاى تكئب الناس عالنت؟؟؟

لا يا جماعة ديعو مش كده خالص واللى عارفه أكيد متأكد انه كده فى الأماكن اللى بيكون موجود فيها محمود الشيخ بس

واحنا عارفين طبعا ان محمود لاجىء على النت

امشى يا محمود من هنا وماتدخلش البلوج تانى لو سمحت

:P

*****

بصفتك شبيه سانتا كلوز يا عم ديعو على الأرض لو سمحت أنا عايز أخلى اتنين كده يوافقو انهم يطلعو الرحلة , أعمل ايه؟؟

Nothing`s worth said...

ديعووووووووو
الدرجي ليه احترامه برده
هههههههههه
بس كويس انك دخلت المدونه في عز الموسم بتاعك اهو ,بسمع انك يا عيني مبتونش
من النورث بول لمخدة العيال الصغيره للنورث بول تاني الايل بتاعك مبيرتاحش
مرمطه
والله نورتنا يا عبد البديع
تزيد يا رب :D


على فكره يا كيمو انتا في موضوع الرحله ده مش محتاج سانتا انتا محتاج واسطه كبيره اوي فوق
انصحك تروح تزور الاولية
;)

dr_abotrika said...

اهلا يا ديعو
مساء الجمال علي عيونك يا46
وعلي فكره انت سانتا فعلا
اسم علي مسمي
وحلوه الرباعيه من ايدك

der Kaiser said...

تسلم ايدك يا سيد المعلمين

جرى اية يا بديع؟
يا راجل دة انت واحد من الناس اللى دمها خفيف جدا جدا جدا يعنى
بادئها لية كدة؟
لونك حزاينى يا كاساوانى!!!فكها علينا الله يخليك

و ksznm szeban :D

Nothing`s worth said...

الشباب المجري بقى ابتدوا
والبلوج هيقلب مجاري
:D
خليك شاهد يا خليفة عشان لو قال تاني عليا كئيب هعطله الرباعيه دي في عينه

der Kaiser said...

ههههههههههههه

حلوة مجارى دى يا مصطفى