Friday, December 28, 2007

يوسي ماس

عارف يا حماده لو حفظت جدول الضرب بتاع الاتنين

الميس هتحبك اوي وهتجبلك بونبونايه وكمان هتكتبلك في الكراسه عشره على عشره ونجمتين

وامضاء ولي الامر

وممكن تبقى محظوظ اوي يا حماده والميس تديلك بوسه

يلا قول ورايا

اتنين في واحد باتنين

اتنين في اتنين باربعه

اتنين في تلاته بسته
............................................
انسف حمامك القديم










الناس اللي بتفكر_ده اللي بتفكر_اكتشفوا ان الذكاء مش كله موهبه ده اكتر من تسعين في الميه منه تدريب

اكتر من مية مليار خليه في مخك بيشتغلوا وكل واحده ليها وظيفه والبني ادم الذكي هو اللي عنده تنسيق احسن واسرع مابينهم

وده بيحصل عن طريق التدريب

انك تعمل ميكس ما بين التفكير والتخيل والذاكره والابداع وكل مراكز مخك

والناس اللي بتفكر_ده اللي بتفكر_اكتشفوا ان العمليات الحسابيه لو تم معالجتها بطريقة معينه هتوصل للميكس ده وتنمي ذكائك

الموضوع كله انهم بيستخدموا عداد اسمه الأبيكس وده مش جديد على فكره ده استخدموه في الصين من اربعتلاف سنه واتطور مؤخرا في ماليزيا لما اخترعوا فكرة اليوسي ماس



وفكرة عمله بتعتمد على ان الطفل يقوم بالعملية الحسابيه باديه الاتنين عشان الفصين يشتغلوا وفي نفس الوقت ذاكرته تشتغل لانه بيحول الارقام المكتوبة لاشكال من الخرز فبيطبع في دماغه مثلا ان الشكل الفلاني معناه

56478

وهكذا



وبعد فترة معينه من التدريب ممكن يحل معادلات معقدة جدا وارقامها خرافيه بالنسبة للجهله من امثالنا ويطلع حلها في منتهى البساطه

وتلاقي الولد من دول بعد ما تديله المعادله بيحرك ايديه الاتنين في الهوا عشان يتخيل شكل العداد ويطلعلك الناتج بسرعه وانتا تتفرج عليه ولسانك_سوري يعني_مدلدل من الانبهار

فعلا نتايج برنامج اليوسي ماس عبقريه




انا على فكره كان نفسي اتكلم عن الموضوع ده كتير من الناحيه التيكنيكال بس اعذوروني عشان انا من الناس اللي اتعلموا بالطريقة بتاعة الميس بتاعة البوسة اللي فوق ومفهمتش كل حاجه عن الموضوع

بس الاكيد_الاكيد فعلا يعني_اننا اتعلمنا وبنتعلم وهنتعلم غلط

جتنا نيلة في حظنا الهباب

31 comments:

dr_abotrika said...

هههههه
ماشي بس مش حتصدق يا مصطفي لو قلت لك اني كنت حكتب في نفس الموضوع ده تقريبا وبعدين غيرت رأيي
واضح ان توارد الخواطر لسه موجود لحد دلوقت

der Kaiser said...

انا كنت بتكلم مع قدوس فى الموضوع ده يوم الاربعاء
و وصلنا لاتفاق اكيد ان الذكاء لا يمكن يكون جينى
و انة قابل للتنمية و بيتدرج و يتطور مع التدريب زى ما انت قلت

فعلا..احنا فى حاجة ماسة لنظرة لتقييم اسلوب تعليمنا الذى عفا عنة الزمن

محتاجين لتعليم محترم و راقى..و هو دة الأمل اللى بجد

تحياتى لمصطفى على انتقاءة دائما لمواضيع ممتازة

David_Charle_Samhon said...

شكلك كدة بتعمل اعلان ليوسى ماس
عايز فكرة اعلان ممتازة افتح موقع الاسماعيلى دوت كوم حتلاقى اعلان ليوسى ماس متصدر الصفحة الأولى للموقع
جرى ايه يا عم بالراحة عليا أنا بصراحة لما باشوف الحاجات دى باتعقد لانى باحس اننا فاتتنا حاجات كتير لو كنا اتعلمناها كان ممكن نبقى أحسن من كدة شوية
ع العموم كله خير

Anonymous said...

ف الاول احب اهنى كل الجروب بالبلوج الجامد دة ةوان شاء الله يبقى من اشهر البلوجات ثانيا يا واد يا صاصا انت جامد وبتعرف تنقى فعلا مواضيع جامدة تشدك مش مجرد كتابة وخلاص اما عن الموضوع اللى انت بتكلم فية فعندك حق للاسف احنا فاتنا كتير قوى احنا اصلا شغالين بنص مخنا اما النص التانى بتاع الابداع دة عطلان بجد والله حاجة تحزن يلا المهم الناس اللى ربنا موليهم امورنا يحسو على دمهم ويلحقو يعملو حاجة للاجيال الجديدة

Anonymous said...

كلام ججامد ويودي في داهيه ان شاء الله بس جامد يا صاصا بالتوفيق يا جميل والكليب طحن موت وهنستنا منك الجديد والمميز علي طول بالتوفيق في الحياة والدراسه يا مصطفي

شق القمر said...

السلام عليكم شباب
سبحان الله د.مصطفى
للصدفة انى سمعت من صديقتى التحاق اختها الصغرى بدورات تدريبية لتنمية الذكاء عند الأطفال
" تحصيل العبقرية يعنى"
وبجد كنت سعيدة جدا
وعرفت منها ان الفكرة دى كانت بدايتها بمصر من ثلاث سنوات وبدات تنتشر للمحافظات
ان شاء الله خيرا
كون الذكاء جينى فدا فى قدرة التحصيل والتخزين
اما كتدريب فدا فى التنظيم والاستدعاء
واعتقد ان الذكى مهما خزن كتير لازم يتدرب على وقت الاستدعاء وصحيته وترتيبه
موضوع طيب د.مصطفى وبأسلوب مضحك
بارك الله فيك وأصدقائك
وان شاء الله تدربوا اولادكم على الــ
يوسى ماس
بالتوفيييق

msmoe said...

موضوع حلو يا صاصا بس كان عايز اكتر شوية. يعني مش تجيب موضوع جامد زي ده و تقول كلمتين و تجري .
عموما دايما مميز يا صاصاعايزين غيره على طول.

Anonymous said...

انا محمد شعبان يا صاصا micado_1710@hotmail.com انا هحط شويه معلومات اضافيه عن موضوعك الجميل بحيث يفتح الفرصه قدام الناس اللي عايزين اطفالهم يتميزو ويعرفو الموضوع من خللنا هيكون فيه ثواب للجميع ان شاء الله من غير اطاله انا هعرض معلومات عن الموضوع وهذا ليس دعايه لاحد بالطبع لاننا ملناش مصلحه غير ان اولاد مصر والجيل الجاي يكونو احسن ممنا
نبدا سريعا

ما هو يوسي ماس ؟

نحن نفتخر بأن نقدم لأول مرة في مصر مفهوم جديد ومدهش لتنمية المهارات يسمى "المفهوم العالمي لنظام الحساب الذهني" وهو الشائع باسم "برنامج يوسي ماس". ويهدف هذا البرنامج إلي تقديم دورات تدريبية للأطفال لمساعدتهم في تنمية قدراتهم الذهنية والارتفاع بمستوى تفكيرهم بشكل عام, ليتأكد لهم أن العملية التعليمية هي متعة في ذاتها. وتعد هذه الصورة الحديثة لفن الرياضيات الذهنية القديم مفهوم فريد ثبت صحته علمياً، كما أنه يكتسب شهرة واسعة عبر أنحاء العالم كأداة تعليمية فعالة تساعد الملايين من الأطفال على تنمية ذكائهم منذ مرحلة مبكرة كما تساعدهم على التغلب على خوفهم من الرياضيات. ويصبح طلاب يوسي ماس أكثر قدرة على التغلب على ضغوط الامتحان والتميز في جميع المواد بالتسلح بالذاكرة القوية والتركيز والفهم والانتباه و سرعة البديهة والاستيعاب والإبداع والثقة بالنفس.
إنه برنامج تنمية عقل بأكمله وهو معد خصيصاً لاحتياجات الأطفال ما بين 4 و 12 عام ويعتمد على الجمع بين المفهوم الصيني القديم والأبحاث العلمية الحديثة لإجراء عمليات حسابية سريعة ودقيقة باستخدام أداة بسيطة جداً تسمى العداد. والعداد هو حاسب صيني من القرون الوسطى، ويستخدم كأداة يتدرب عليها الأطفال بهدف تنشيط وتنمية مواهبهم الذهنية ، وذلك من خلال تنمية وتحفيز العقل. بعد تطور يوسي ماس في ماليزيا على يد (منهجية زهوزوان) اعتباراً منذ عام 1993, حقق بالفعل نجاح عالمي ضخم في تنمية تفوق شامل في الحياة الأكاديمية لملايين الأطفال عبر آسيا، الخليج، الولايات المتحدة، كندا، المملكة المتحدة، استراليا والآن في مصر (ابتداء من أول أغسطس 2004, ويحمل تصديق الأيزو –9001 : 2000).
عند تطوير برنامج استخدام العداد في علم الحساب الذهني ليصبح مهارة, فإن هذا لا يقود فقط إلي زيادة التركيز ولكنه يدرب أيضاً ذاكرة الطفل في سنوات عمره التكوينية, ويساعد العقل على الاعتياد على العمل بإتقان منذ مرحلة مبكرة, وذلك من خلال التحفيز والتنمية المتوازنة لكل من فصي المخ الأيمن والأيسر.
ويستطيع الأطفال من خلال حركة الأصابع المنسقة والرشيقة وردود الفعل السريعة – أن يحققوا سرعة أكبر ودقة شديدة في الحسابات الرياضية الضرورية للنجاح في عالمنا المليء بالمنافسة الشديدة.
هذا ويُدرس الكورس على 10 مراحل ويبدأ بدروس حول استخدام العداد وبعدها دروس عن الجمع والطرح. وبعد أن يتراجع استخدام العداد تدريجياً، يتعلم الأطفال أن يستخدموا أيديهم أثناء القيام بالمعادلات الرياضية لاستنتاج الحل. إن الطلاب في مراكزنا غالباً ما يكونوا أكثر قدرة على العمل أسرع من الحاسب, فيقوموا بعمليات جمع وطرح مكونة من عشر أرقام في عشرة خطوات وخلال فترة زمنية تقل عن دقيقة وبدقة متناهية. أما أسرع أطفالنا فيستطيعون أن يجمعوا في أذهانهم 10 صفوف مكونة من 12 رقم مجتمعة كلها في رأسهم في خلال 30 ثانية‍, ويتعلمون القسمة في المرحلة الخامسة إلي جانب الضرب الذي تم التمهيد إليه في المرحلة السابعة، ولقد نجح الأطفال بالفعل في زيادة ميلهم للرياضيات كما نجحوا في الارتفاع عموما بمستويات الثقة لديهم.

ما هي أهداف يوسي ماس؟
إن الذكاء هو القدرة الإنسانية الأكثر قيمة، ويعد برنامج يوسى ماس أداة تدريبية فعالة غنية تساعد على اكتشاف وتنمية وزيادة ذكاء الأطفال منذ مرحلة مبكرة, ومع التطبيق الفعال يمكن تنشيط المهارات التالية بنجاح:

• التركيز:
ترفع منهجية تدريس يوسي ماس من معدل الانتباه والتركيز.

• الفهم :
يقود مفهوم استخدام العداد والرسوم التوضيحية إلي سرعة البديهة وفهم وإدراك أفضل واكتساب القدرات.

• الذاكرة:
يقود مفهوم التفكير في الصور إلي فهم أفضل وذاكرة قوية كما يحسن من أداء التلاميذ في الرياضيات ويزيد تميزهم في جميع المواد.

• السرعة والدقة:
هذا البرنامج معد أساساً من أجل تحقيق السرعة والدقة عن طريق التمرين المستمر ولذلك يحقق تحسن في العمليات الرياضية وفي الأداء الشامل للأطفال.

• مهارات الاستماع:
التمرين المستمر على أداء العمليات الحسابية التي يمليها مدرب الدورة بهدف اكتساب السرعة والدقة في الحساب يقوى مهارات الاستماع.

• التخيل:
بعد التخلي عن استخدام العداد في مرحلة معينة، يعمل الطلاب على عداد تخيلي الأمر الذي يقوي مهارات التخيل بالتمرين المستمر.

• الإبداع:
يقود مفهوم تطوير الجزء الأيمن من المخ إلي تحسين الإبداع عند الطلاب.

• العرض:
يدور فن الرياضيات الذهنية القديم بشكل أساسي حول الترتيب والمظهر وسوف يحسن التمرين المستمر من مهارات العرض لدى الطلاب.

• الثقة بالنفس:
الثقة المكتسبة بعد التحرر من رهبة الرياضيات واكتساب قدرات ذهنية عامة ومتقدمة واكتساب مهارات للنجاح تستمر مدى الحياة.

• الاعتماد على النفس:
يصبح الطلاب بعد التحرر من الاعتماد على الحاسبات وأجهزة الكمبيوتر والأجهزة الأخرى معتمدين كلياً على أنفسهم إذ يستخدمون عقولهم وحاسباتهم الفطرية!

Nothing`s worth said...

اسف يا جماعه لتأخير الردود

dr_abotrika
يااااااه توارد الافكاااار تصدق يا عمرو الموضوع ده بقاله عشر سنين تقريبا
سبحان الله
ربنا يديمها يا سيدي

der kaiser
الف الف شكر يا خليفه وكنت عايز اقول اني كتبت في اخر البوست جتنا نيلة في حظنا الهباب
بس فعلا لو بصينا للجانب المشرق هنلاقي ان حظنا بردو احسن من حظ اهلنا
على الاقل احنا عارفين طرق جديده نعلم بيها ولادنا عشان يبقوا احسن منا
واحنا بقى لنا الله :)
ميرسي يا زاجو


david_charle_samhon
تصدق يا احمد اني عشان ميجيش واحد زيك_لامؤاخذه يعني_ويقولي الكلمه دي كلت كتير من الموضوع وكان نفسي احط معلومات عن كورسات اليوسي ماس في مصر و اللينك بتاع السايت بتاعها و كان فيه صورة للابيكس بتتحرك الخرز اللي فيها بالماوس وممكن تتعلم عليها
ومع ذلك قلت الكلمتين دول عشان اعرف الناس ان فيه اسلوب تعليم احسن من اللي اتعلمنا بيه من غير ما يبقى شكلي بعمل اعلان ومع ذلك تقولي بعمل اعلان
ماشي يا سيدي مقبولة يا لورد:D
ونورتني يا باشا

Nothing`s worth said...

حودز
محمود الشييييييخ نورت يا باشا
داحنا مستنيينك من زمان ومعانا ديعو وجميل وكل حبايبك
:D
ميرسي يا حبي ع التعليق

ميدوز
شعباااااان نورت انتا كمان يا باشا
ايه ده انتا بتطلعوا اتنين اتنين ولا ايه؟ :D
بالنسبه للاضافه مشكووور الف شكر وان كنت طبعا عديت على السايت ده بس محبتش احط البقين اللي انتا كتبتهم دول عشان ميقولوش ده بيعمل اعلان وصدق او لا تصدق اتقال بردو اني بعمل اعلان
زي بعضه
يزيييييييد يا سييييييييدي على رأي ديعو
شرفت يا محمد

Nothing`s worth said...

شق القمر
جزاكي الله خيرا دكتورة
وان شاء الله خلاص احنا عرفنا اللي فيها
ومش هنعلم اولادنا زي ما اتعلمنا
هندور على الوسائل الاحسن وان شاء الله هيبقوا احسن


msmoe
والله يا قدس لو كنت لقيت او فهمت ما هو ازيد من اللي كتبته اكيد كنت كتبت مش هبخل بكام كليك زياده على الكي بورد
الف شكر قدوسي :)

Anonymous said...

محدش بيعجبه حاجه يا صاصا والهدف من المدونه مش مجرد التسليه الهدف اننا نكون احسن اننا نتقدم ولو ده هيقوله عنه اعلان خليهم يقولو انا شفت اللي قايل انك بتعمل اعلان اوك خليه يقول خلينا متخلفين طول عمرنا هو ده اللي يعجبهم عمرنا ما هنشوف تقدم طول ما احنا كده يا رب تعلن عن امريكا نفسها لو فيها جزء من العلم والمعرفه اللي هيخلينا نطور مرة تانيه يا صاصا موضوع جامد رغم انف الجميع

۩۝۩ Dr. Flavio ۩۝۩ said...

معلش يا درش يابني

فاتك الكتير زيي ... وماله

سينا بقت زي سنيا

بس مش عايزك تتفرس وتتنرفز وضغطك يعلي ... الشوجار ماشي اليومين دول وبياخد الصغيرين وانت صغير

بجد تدوينه مميزه جدا وموضوع أفادني كثيرا وأؤيد خليفه في أن الذكاء قابل للتنميه ولدي الدليل
هو صحيح مش علي الذكاء والغباء وعلي حاجه تانيه خالص لكن يؤكد أن كل شيء لدي الانسان يزداد بالتنميه والتدريب والتعلم

شكرا لك كثيرا

Casper said...

موضوع وهمى جداااااااااا وكان نفسى (وعلى فكرة احتمال كبير) أروح أتعلمه

وده جنبنا خالص ده فى شارع سعيد (شارعك يا مصطفى)

أنا بحب الأرقام جدا ومادام حاجة هتخلينى أحسن فيها يبقى ليه مش أخدها؟؟

وعلى فكرة جزء من الذكاء يعتبر جينى ومحمول على كروموسوم
ْX

عشان كده الولد عشان يطلع ذكرى لازم تكون والدته ذكية , ولا دخل لوالده

أما البنت عشان تطلع ذكية لازم يكون والدها ووالدتها الاتنين أذكياء بنسبة معينة

وتأمل قول الحديث الشريف (ناقصات عقل ودين)

*من كتاب مش فاكره الصراحة
!!

وطبعا ده بعدم اهمال الشق التدريبى زى أنظمة يو سى ماس وغيرها

something like love said...

موضوع جامد فعلا يادكتور

بس ضغط اوى على احساسات الواحد وهو بيقراه

بصراحة لانه فعلا لما بسمع اى طفل صغنتوت قد كده (هنعتبر انه قصير اوى يعنى)

بيقول مجرد مسميات انا ياكبيرة (وطويلة اكيد عشان الفرق يبان بس ) مش ببقى فاهمةمنها حاجة

بكتفى بس بايماءة من الرأس دليل انى متابعة وفاهمة اللى بيتقال قدامى

وطبعا بقول فى الاخر بردوا

جتنا نيلة فى حظنا الهباب

اتمنى اننا نتلافى الاخطاء دى فى اولادنا بقى ان شاء الله

Nothing`s worth said...

mahmoud farag
حوداااااااا
والله ليك شوقه يا بني
معاك حق والله
سينا بقت زي سنيا
والشفافيه بقت مهلبيه
والملوخيه بقت ديموقراطيه
وسلملي على الحاج دعم والحاجه عداله اجتماعيه
:D
بس سيبك معاك حق اهم حاجه الضغط ميعلاش ع السكر عشان العين متعلاش على الحاجب زي مانتا عارف
نورتي يا حبي


casper
ههههههههههههههه
تتعلم ايه يا حماده؟
م انا نسيت اقلك صحيح
سن التقدم للبرنامج من 4 الى 13 سنه
يعني احنا اكسبايرد تقريبا من عشر سنين
وبقالنا كتير بره التلاجه وسوري يعني حمضنا
:D
بالنسبه لموضوع ناقصات عقل ودين كويس انك قلت من كتاب مش فاركه
كانت هتبقى مشكله للكاتب لو كنت فاكره
سلاموووز يا باشا


something like love
وسلام كمان لو لقيتي الولد (اللي احنا متفقين انه قصير يعني)حافظ القران كله ما شاء الله وبيجوده او بطل دولي في الشطرنج او اي رياضه
واحنا(اللي هو مجازا طوال يعني)كل حياتنا قضيناها في البيت او في دراسه فاتحين بقنا واحنا بندرسها(كنايه عن العته يعني)بيبقى الواحد محصور على حاله
ومن هنا جاءت:جتنا نيله في حظنا الهباب
شرفتينا يا فندم :)

WiLdBiRd said...

هههههه
من سنة او اتنين كده لما ولاد خالتى كانوا بيحكوا على الموضوع ده

كنت بقعد مذبهلة اه
بلاش التشبيه التانى اللى انت قولت عليه

بس حاجة ماشاء الله
الصين وماليزيا بيدرسوا بيها من زمان

كويس اننا لحقتناهم
عندنا امل فى المرحلة الجاية

تيجوا نروح محو امية اليوسى ماس

فصول ناخدها بعد المغرب لما نخلص الكلية

Anonymous said...

القاهرة-محرر مصراوى- مفاجأة من العيار الثقيل فجرها حسن هيكل مستشار عام شركة "يوسي ماس" مصر حينما أكد أن برنامج "يوسي ماس" لا علاقة لها بالذكاء وإنما فقط تنمي مهارة الحساب عند الأطفال مشيرا إلي أن فوز الأطفال المصريين في المسابقة وحصولهم علي المراكز الأولي في الذكاء علي مستوي العالم خدعة من الشركة للترويج للبرنامج وتم تكرار ذلك في السعودية والسودان .

وقد قررت وزارة التربية والتعليم إيقاف البرنامج نهائيا في المدارس لعدم جدواه.

وقد اعترف حسن هيكل مستشار عام الشركة بقوله "بالفعل نحن ضحكنا علي الناس وانأ لم أكن اعرف ذلك من البداية ولكن عندما اكتشفت ذلك قررت أن أبرئ ذمتي واحذر الناس الذين الحقوا أبنائهم بالبرنامج تحت وهم تنمية الذكاء وإنهم سيكونون عباقرة وانسحبت تماما من الشركة".

وأشار هيكل إلي ان وزارة التربية والتعليم روجت للوهم وتبنت المشروع لدرجة ان مسابقة يوسي ماس كانت تحت رعاية وزير التربية والتعليم وهو ما استغلته الشركة في الدعاية وأعطي ثقة للناس في الانضمام للبرنامج .

هل اطلعت الوزارة علي شكاوي أولياء الأمور الذين توقفوا و انهار مستوي أطفالهم فور التوقف لان البرنامج يحتاج الي تدريب مستمر طوال العمر بلا توقف.

وأضاف هيكل: ان الخطير في الأمر انه اذا توقف التدريب انهار مستوي الطفل بعد شهر واحد لأكثر من 50% و بعد 3 شهور ينسي الطفل كل شيء تقريبا و يعود إلي المستوي الأول حتي لو كان قد انتهي من المستوي العاشر و قضي 30 شهر يدفع للشركة 160 جنيه شهريا.

وعن سبب انقلابه علي الشركة هل هو لوجود خلاف بينه وبين الشركة؟ قال حسن هيكل لريهام السهلي في برنامج 90 دقيقة انه لا يوجد اي خلاف بيني وبينهم ورفضت الكثير من الإغراءات والعروض لعدم الإفصاح عن حقيقة البرنامج التي اكتشفتها مؤخرا ولكن ما ذنب أولياء الأمور الذين يدفعون كل شهر دم قلبهم لإلحاق أبنائهم تحت وهم تنمية ذكاء أطفالهم ؟.

وعن حقيقة فوز أطفال مصر بالمراكز الأولي علي مستوي العالم في الذكاء قال هيكل أن المسابقة العالمية بماليزيا وفوز الأطفال المصريين خدعه كبري و مبالغه ضخمه لان الأعداد الفائزة أصلا في المسابقة الأخيرة الـ 14 و التي أقيمت بكوالالمبور بماليزيا يوم 18/11/2007 أربع مراكز من 12 مركز عالمي كل مركز به 5 فائزين لان الدراسة بهذا البرنامج 12 مستوي كل مستوي يعلن فوز الخمسة الأوائل أي ان النتيجة 60 فائز في كل المستويات فاز أطفال مصر باربع مراكز فقط من 60 فكيف فزنا علي العالم و قد أعلنت النتيجة بالكمبيوتر علي شاشه العرض .
ويشير إلي ان نفس الأمر تكرر في السعودية والسودان حيث أعلنت السعودية انها حصلت علي المراكز من الأول و حتي الرابع في المسابقة الدولية الرابعة عشر بماليزيا وكذلك السودان أعلنت فوز أطفال السودان الإبطال بالذهب في مسابقه ماليزيا و أهدت الفوز للرئيس عمر البشير، المشكلة كما يقول هيكل انه لا احد يتحقق من أي شيء وتخدع الشركة الشعب بأوهام كاذبة و بطولات زائفة.

وتساءل هيكل: لماذا لم يحصل الدكتور "دينو ونج" رئيس شركة يوسي ماس العالمية علي أي جائزة من اليونسكو او جائزة نوبل أن كان له إسهام في تنميه عقول أطفال العالم كما تزعم الشركة، ولماذا لا يطبق البرنامج في الدول المتقدمة مثل أمريكا وانجلترا وغيرها ؟ والإجابة ان اليوسي ماس يطبق فقط بين الجاليات الهندية والصينية باعتباره تراث صيني منذ 4000 ألاف عام ويتم استخدام العداد ( الابيكاس) كبديل للإله الحاسبة .
من جانبه ،أكد محمود العسقلاني انه تقدم ببلاغ للنائب العام يتهم الشركة بممارسة نوعا من الاحتيال والنصب علي المواطنين وطالب بالتحقيق في تورط وزارة التربية والتعليم في الدعاية لشركة والسماح لها بالتدريس داخل بعض المدارس دون دراسة كافية لفوائد البرنامج علي الأطفال إلي جانب وزارة الاستثمار التي أعفت الشركة من الضرائب لمدة 5 سنوات بحجة انها تنقل التكنولوجيا هل هذا العداد الخشبي هو التكنولوجيا التي يتم نقلها الي مصر ؟ هكذا تساءل العسقلاني.من جانبه أكد الكاتب الكبير أسامة انور عكاشة انه حذر في مقال له العام الماضي من الشركة وطرح عدة تساؤلات لم يستجيب احد لها وهي ما هي الهيئة او الجهة الرسمية التي يتبعها المشروع ؟وما هي الخطوات الرقابية التي تتخذ في مثل هذه المشروعات لحماية المواطن وأولاده من اي مغامرين يستهدفونه ؟و من اي إدارة حصلت الشركة تصريحات من وزارة التربية والتعليم ؟ وهل أصبح التعليم مرتعا لك مغامر يبحث عن "سبوبة" ؟

أضاف عكاشة انه الحق أحفاده بالبرنامج لكنهم لم يستفيدوا اي شئ وان الموضوع كله محاولة لابتزاز الناس تحت وهم الذكاء وهو ما لم يحدث .

Anonymous said...

Do yоu mind if I quοte a fеω of yоuг poѕtѕ аs long аs Ι prοvide credit аnd sourсes bаck to youг blog?
My blog is in the ехact same niсhе as yours and my users ωoulԁ definitely bеnefit from some of thе information you prеsеnt here.
Pleasе lеt me knοw if thiѕ oκ with
yοu. Regагds!

my ѕitе :: unsecured loans for self employed

Anonymous said...

Noω then from England! І'm bored at work so I decided to browse your blog on my iphone during lunch break. I love the information you provide here and can't wаit to
take а looκ when I get home. I'm surprised at how quick your blog loaded on my phone .. I'm not even usіng WIFI, just 3G .
. Anywayѕ, аωesome blog!

Mу wеb page - unsecured loan broker

Anonymous said...

Wοah! I'm really digging the template/theme of this blog. It'ѕ simρle, yet effectiѵe.
A lot οf tіmes it's very hard to get that "perfect balance" between user friendliness and visual appearance. I must say you have done a amazing job with this. In addition, the blog loads very fast for me on Internet explorer. Exceptional Blog!

My page: fast online cash loans

Anonymous said...

For most up-to-date news you haνe to pay a quіcκ visit
the web and on internet I found this site as a beѕt web
page for latest updates.

Feel fгeе to vіѕit my web site ::
fast cash bad credit

Anonymous said...

I absolutely love уour blog and find the maјοгity of your рoѕt's to be just what I'm
lоoking for. Would you οffer guest writеrs to write cоntent for yourѕelf?
Ι ωoulԁn't mind publishing a post or elaborating on a lot of the subjects you write related to here. Again, awesome web log!

Here is my website Personal loans uk

Anonymous said...

Prettу nicе ρost. I simply stumbled upon your web-ѕite and wanted to mention thаt I have really enjoуed surfing arοund your blog
posts. In anу case I will be subsсribing
to уour feed аnd Ι hoре you ωrite again soon!


Also vіsit my website ... fast cash loan today

Anonymous said...

Interеstіng гeaԁ, esрeсially post number twο I
thіnκ it ωas. Worth гememberіng.



Feеl free to suгf to my рagе; bad credit fast cash loans

Anonymous said...

ليه وزاره التربيه و التعليم المصريه اوقفته بعد تجربته ؟
ليه امريكا لا تطبقه في مدارسها ولا انجلترا ولا فرنسا ولا اي دوله اوربيه في مدارسها الحكوميه ؟
ليه في الهند كلما دخلت المدنيه يزول عداد الابيكاس ليه احنا ما بنفكرش ان ما يجري كله استخدام للذاكره البصريه التي تحفظ الصوره بالتدريب و بتوقف التدريب
المهاره تضعف
تماما مثلما يتذكر شخص صوره او شكل ثم ينساه
القصه ان البرنامج عمره 30 شهر و الطفل اصلا بيكبر و مداركه اصلا بتكبر و الاهل و الناس امام الاعلانات
لا تفكر

Anonymous said...

Did yοu lоok uρ yοur refeгences
before yοu wrote all this down?

My blоg ρost; loan fast cash

Anonymous said...

Tremendous things here. I am very happy to lοoκ your pοst.
Thank you а lot and I'm looking forward to contact you. Will you please drop me a e-mail?

My homepage - personal loans bad credit

Anonymous said...

I've only read a few posts but am already captivated. Need to spend a good afternoon going through the sections on here.

Take a look at my blog loans broker

Anonymous said...

I rented а simіlar domаin tо this a feω wеeks ago, hoρing to aԁd something а little ԁifferent to the subject.


My wеb-sіte: unsecured personal loans

Anonymous said...

Last minute aгticleѕ aгe oftеn bеѕt,
the wоrds just pour out ontο the ѕcreen.


Feel free to surf to my ωеb page; www.Studenttravelcard.ie